ఈ నెలలో బ్యాంకులకు ఏకంగా ఎనిమిది సేలవులు

ఎవరికి రాని సెలవులు బ్యాంకుల మాత్రం  ఉంటాయి. తాజాగా ఈ నెలలో  ఏకంగా బ్యాంకులకు ఎనిమిది సెలవు దినాలు వచ్చాయి. బ్యాంక్ కస్టమర్లు ఒక విషయాన్ని తెలుసుకోవాలి. బ్యాంకులకు ప్రతి నెలా సెలవులు ఉంటాయి. ఇప్పుడు కూడా ఈ నెలలో కూడా బ్యాంక్ హాలిడేస్ ఉన్నాయి. జూన్‌లో ఎనిమిది రోజులు బ్యాంకులు పని చేయవు. ఇందులో ఆరు సెలవులు ఆదివారాలు, శనివారాలు రూపంలో ఉన్నాయి. దేశీ కేంద్ర బ్యాంక్ రిజర్వు బ్యాంక్ ఆఫ్ ఇండియా (ఆర్బీఐ) జూన్ నెలకు సంబంధించి బ్యాంక్ హాలిడేస్‌ను రూపొందించింది. ఆర్‌బీఐ హాలిడేస్ క్యాలెండర్ ప్రకారం చూస్తే బ్యాంకులు పలు కారణాలరీత్యా పని చేయవు. అంతేకాకుండా బ్యాంక్ హాలిడేస్ దేశం మొత్తంగా ఒకేలా ఉండవు. రాష్ట్రం ప్రాతిపదికన బ్యాంక్ సెలవులు కూడా మారుతూ ఉంటాయి. పబ్లిక్, ప్రైవేట్, ఫారిన్, కోఆపరేటివ్, రీజినల్ బ్యాంక్స్ అన్నింటికీ ఆర్‌బీఐ సెలవులు వర్తిస్తాయని గుర్తించుకోవాలి.

ఆర్‌బీఐ బ్యాంక్ హాలిడేస్‌ను మూడు రకాలుగా విభజించింది. నెగోషిబుల్ ఇన్‌స్ట్రుమెంట్స్ యాక్ట్ కింద హాలిడే, రియల్‌టైమ్ గ్రాస్ సెటిల్‌మెంట్ హాలిడే, బ్యాంక్ క్లోజింగ్ అకౌంట్స్ హాలిడే అనే మూడు రకాలు. జూన్ నెలలో 8 రోజులు బ్యాంక్ హాలిడేస్ ఉన్నాయి. ఇందులో వీకెండ్స్ ఆరు రోజులు. నేగోషిబుల్ ఇన్‌స్ట్రుమెంట్ యాక్ట్ కింద రెండు రోజుల సెలవులు ఉన్నాయి. ఈ ఏడాదిలో అతితక్కువగా హాలిడేస్ ఉన్న నెల ఇదే కావడం గమనార్హం.

కొన్ని బ్యాంక్ హాలిడేస్ ప్రాంతీయంగా లేదా రాష్ట్రం ప్రాతిపదికన ఉంటాయి. నేగోషిబుల్ ఇన్‌స్ట్రుమెంట్స్ యాక్ట్ హాలిడేస్‌కూ ప్రాంతాలకు సంబంధించినవే. జూన్ 2న మహారాణ ప్రతాప్ జయంతి ఉంది. సిమ్లాలో బ్యాంక్‌లు పనిచేయవు. జూన్ 15న గురు హార్‌గోవింద్ జయంతి. జమ్మూ, శ్రీనగర్, ఐజ్వాల్, భువనేశ్వర్‌లో బ్యాంకులు పని చేయవు. ఇకపోతే జూన్ 5న ఆదివారం. జూన్ 11న రెండో శనివారం. జూన్ 12న ఆదివారం. జూన్ 19న ఆదివారం. జూన్ 25న నాలుగో శనివారం. జూన్ 26న ఆదివారం. తెలుగు రాష్ట్రాల్లో ఈ నెలలో బ్యాంక్ సాధారణ సెలవులు మినహాయిస్తే ఎలాంటి హాలిడేస్ లేవని చెప్పుకోవాలి. కాగా బ్యాంకులకు సెలవులు ఉన్నా కూడా కస్టమర్లకు వచ్చే ఇబ్బంది పెద్దగా ఏమీ ఉండదు. ఆన్‌లైన్ ద్వారానే చాలా వరకు సర్వీసులు పొందొచ్చు. నెట్ బ్యాంకింగ్, మొబైల్ బ్యాంకింగ్ వంటి వాటి ద్వారా బ్యాంకింగ్ సేవలు లభిస్తున్నాయి. అలాగే యూపీఐ యాప్స్ ద్వారా మనీ ట్రాన్స్‌ఫర్ సర్వీసులు నిర్వహించొచ్చు. అందువల్ల బ్యాంక్ కస్టమర్లు ఆన్‌లైన్‌లోనే చాలా వరకు సేవలు పొందొచ్చు.