విజేతను అభినందించిన మాజీ ఎమ్మెల్యే శ్రీరాం రాజగోపాల్ తాతయ్య
Andhra Pradesh Telugu | Suryaa Desk | Published : Thu, Jun 02, 2022, 11:29 AM
గుడివాడ ఎన్టీఆర్ స్టేడియం లో జిల్లా స్థాయి పవర్లిఫ్టింగ్ పోటీలు జరిగాయి. ఈ పోటీలలో జగ్గయ్యపేట పట్టణం 15 వ వార్డు చెరువు బజార్ కు చెందిన ముద్ధా శ్రీనివాసరావు-కొండమ్మ దంపతుల రెండవ కుమార్తె తిరుపతమ్మ ఈ పోటీలలో పాల్గొని 57 కేజీల విభాగంలో జూనియర్స్ లో ప్రథమ స్థానం గోల్డ్ మెడల్ ను, సీనియర్స్ లో ప్రథమ స్థానం గోల్డ్ మెడల్ ను తిరుపతమ్మ స్ట్రాంగ్ ఉమెన్ కైవసం చేసుకున్నారు. అదేవిధంగా ఈనెల 8, 9 తేదీలలో గుంటూరు జిల్లా మంగళగిరిలో జరగనున్న రాష్ట్ర స్థాయి పవర్లిఫ్టింగ్ పోటీలకు ఎంపికైన తిరుపతమ్మ ను టీడీపీ జాతీయ కోశాధికారి, మాజీ ఎమ్మెల్యే శ్రీరాం రాజగోపాల్ తాతయ్య అభినందించారు. వార్డు కౌన్సిలర్ గెల్లా సంధ్యారాణి తిరుపతమ్మను శాలువాతో సన్మానించారు. ఈ సందర్భంగా శ్రీరాం రాజగోపాల్ తాతయ్యకి, కోచ్ గంటా వెంకటేశ్వర్లుకి తిరుపతమ్మ కృతజ్ఞతలు తెలిపారు. ఈ కార్యక్రమంలో ఇర్రి నరసింహారావు, సంగెపు బుజ్జి, సామినేని మనోహర్, నకిరకంటి వెంకట్, కర్ల జోజి, గెల్లా వైకుంఠరావు, గాలం శ్రీను, షేక్ సుభాని, కొండా కోటయ్య, లింగం నాగేశ్వరరావు, మెటికల రమణ, గండే పుల్లయ్య, అంబోజి నాగేశ్వరరావు తదితరులు పాల్గొన్నారు.
|
|