ట్రెండింగ్
దున్నపోతు ఢీకొని వాహనదారుడు మృతి
Andhra Pradesh Telugu | Suryaa Desk | Published : Sat, Jun 04, 2022, 10:21 AM
చాగలమర్రి మండలంలోని మద్దూరు మెట్ట సమీపంలో 40వ జాతీయ రహదారిపై ద్విచక్ర వాహనాన్ని దున్నపోతు తగిలిన ప్రమాదంలో ఓ వ్యక్తి గాయపడి చికిత్స పొందుతూ మృతి చెందాడు. ఈ సంఘటన గురువారం రాత్రి జరిగింది. పెద్దబోదనం గ్రామానికి చెందిన కాటసాని ఈశ్వర్‌రెడ్డి (42) చాగలమర్రికి ద్విచక్రవాహనంపై వచ్చి పనులు ముగించుకొని తిరుగు ప్రయాణంలో ఉండగా ఈ ప్రమాదానికి గురయ్యాడు. ఆయనను ఆళ్లగడ్డ ప్రభుత్వ వైద్యశాలకు తరలించారు. పరిస్థితి విషమంగా ఉండటంతో మెరుగైన వైద్యం కోసం కర్నూలు వైద్యశాలకు తరలించారు. అక్కడ చికిత్స పొందుతూ కోలుకోలేక మృతి చెందాడని, కేసు దర్యాప్త చేస్తున్నామని ఎస్‌ఐ రమణయ్య తెలిపారు. మృతదేహానికి కర్నూలు ప్రభుత్వ వైద్యశాలలో పోస్టుమార్టం నిర్వహించారు.
|
|