పరిమితి కాల పరిమితితో...ఎల్ఐసీ ధన్ సంచయ్ ప్లాన్

కస్టమర్లను ఆకర్షిండమే ప్రధానంగా ఎల్ఐసీ ఇటీవల పలు ప్లాన్ లను రూపొందించింది. తాజాగా లైఫ్ ఇన్సూరెన్స్ కార్పొరేషన్ ఆఫ్ ఇండియా(ఎల్ఐసీ) సరికొత్త ప్లాన్‌ను లాంచ్ చేసింది. మంగళవారం నుంచే(జూన్ 14, 2022 నుంచే) ఈ కొత్త పాలసీని అమల్లోకి తీసుకొస్తున్నట్టు ఎల్ఐసీ చెప్పింది. గ్యారెంటీడ్ ఆదాయపు ప్రయోజనాలతో ధన్ సంచయ్ ప్లాన్ ను ఎల్ఐసీ ప్రవేశపెట్టింది. ధన్ సంచయ్ ప్లాన్ కనీసం ఐదేళ్ల నుంచి 15 ఏళ్ల కాలానికి అందుబాటులో ఉంటుంది. సేవింగ్స్‌తో పాటు నాన్ లింక్డ్, నాన్ పార్టిసిపేటింగ్, లైఫ్ ఇన్సూరెన్స్ ప్లాన్లను దీనిపై ఎల్ఐసీ అందిస్తోంది. సేవింగ్స్ విషయంలో సౌకర్యార్థంగా ఉండటంతో కాకుండా... సెక్యూరిటీని కూడా ఈ ప్లాన్ ఆఫర్ చేస్తోంది. ఈ ప్లాన్ మెచ్యూర్ అయిన తర్వాత పేఅవుట్ కాలంలో గ్యారెంటీడ్ ఇన్‌కమ్ బెనిఫిట్(జీఐబీ) అందివ్వడమే కాకుండా.. చివరి వాయిదా సమయంలో గ్యారెంటీడ్ టర్మినల్ బెనిఫిట్‌ను కల్పించనుంది.

ఒకవేళ పాలసీదారులు అనుకోని ప్రమాదం వల్ల మరణిస్తే.. ఆ పాలసీ కాలంలో అతని లేదా ఆమె కుటుంబానికి ఆర్థిక భరోసా కూడా కల్పిస్తోంది. డెత్ ప్రయోజనాలను పాలసీదారులు ఎంచుకున్న దాని బట్టి లంప్‌సమ్‌లో లేదా ఐదేళ్ల పాటు వాయిదాల్లో అందిస్తుంది. ఎల్ఐసీ ధన్ సంచయ్ ప్లాన్ కింద లోన్ పొందే సౌకర్యం కూడా అందుబాటులో ఉంది.

ఈ పాలసీ కింద 4 ప్లాన్లు ఆఫర్..

ఎల్ఐసీ  ధన్ సంచయ్ ప్లాన్ కింద నాలుగు రకాలైన ప్లాన్లు అందుబాటులో ఉన్నాయి. ప్లాన్ ఏ, బీ కింద రూ.3,30,000 సమ్ అస్యూర్డ్ కల్పిస్తుంది. ప్లాన్ సీ కింద కనీసం రూ.2,50,000 సమ్ అస్యూర్డ్‌ను, ప్లాన్ డీ కింద రూ.22 లక్షల సమ్ అస్యూర్డ్‌ను అందిస్తుంది. అయితే ఈ పాలసీపై గరిష్ట ప్రీమియం పరిమితిని కంపెనీ నిర్ణయించలేదు. మూడేళ్లు నిండితే ఈ ప్లాన్ తీసుకోవచ్చు.

ఎల్ఐసీ  ధన్ సంచయ్ ప్లాన్ ను ఏజెంట్ ద్వారా ఆఫ్‌లైన్‌లో కొనుగోలు చేసుకోవచ్చు. లేదంటే ఎల్ఐసీ వెబ్‌సైట్ www.licindia.inలో ఆన్‌లైన్‌లో కూడా అందుబాటులో ఉంది. కామన్ పబ్లిక్ సర్వీసు సెంటర్ల నుంచి కూడా ఈ ప్లాన్‌ను కొనుగోలు చేసుకోవచ్చు.