ఈ వాట్సాప్ యూజర్లకు గుడ్‌న్యూస్...హాయ్ చెబితే చాలు రుణం

ఫైనాన్స్ కంపెనీల తీరుమారుతోంది. గతంలో అప్పు అంటే సవాలచ్చ ప్రశ్నలు వేసే పరిస్థితి ఉండేది. కానీ మారుతున్న పరిస్థితుల కారణంగా ఫైనాన్స్ కంపెనీలు రుణం ఇచ్చేందుకు ఎగబడుతున్నాయి వసూళ్లు చేసే క్రమంలో ముక్కుపిండుతున్నాయి కూడా. ఇదిలావుంటే ఏఐ ఆధారితంగా నడిచే ఫైనాన్సియల్ వెల్‌నెస్ ప్లాట్‌ఫామ్ క్యాష్‌ఈ వాట్సాప్ యూజర్లకు గుడ్‌న్యూస్ చెప్పింది. వాట్సాప్ యూజర్లకు తేలిగ్గా, వేగంగా ఇన్‌స్టాంట్ క్రెడిట్‌ను అందించేందుకు ప్రత్యేక సర్వీసులను లాంచ్ చేసింది. ఈ సర్వీసుల కోసం వాట్సాప్ యూజర్లు తమ పేరును చెప్పి, కేవైసీ కంప్లియెంట్ ఇస్తే చాలు.. అకౌంట్లలోకి డబ్బులు వస్తాయి. ఎలాంటి డాక్యుమెంట్లు, యాప్ డౌన్‌లోడ్‌లు, దరఖాస్తు ఫామ్‌లు నింపాల్సినవసరం లేకుండా.. ఇన్‌స్టాంట్ క్రెడిట్ లిమిట్‌ను ఆఫర్ చేస్తోన్న తొలి ఫిన్‌టెక్ సంస్థ క్యాష్‌ఈనే అని కంపెనీ చెబుతోంది. ఈ సర్వీసుల ద్వారా దేశవ్యాప్తంగా ఉన్న లక్షల మంది వాట్సాప్ యూజర్లు ప్రీ అప్రూవ్డ్ క్రెడిట్ లిమిట్‌ను నిమిషాల్లో పొందవచ్చని పేర్కొంది.

ఎవరైనా కస్టమర్లు ఈ సర్వీసును పొందాలంటే.. క్యాష్‌ఈ వాట్సాప్ నెంబర్ +918097553191కి ‘హాయ్’ అని తమ పేరుతో మెసేజ్ పెడితే చాలు. వేతన జీవులందరికీ ఈ ఫెసిలిటీ అందుబాటులో ఉంటుంది. ఇటీవల కాలంలో స్మార్ట్ కస్టమర్లు తక్షణ సాయం కోసం, కాంటాక్ట్‌లెస్ సపోర్టు కోసం చూస్తున్నారని, దీని కోసమే తాము ఏఐ ఎనాబుల్డ్ చాట్ ప్రొడక్టును వాట్సాప్‌పై ప్రవేశపెట్టామని CASHe ఫౌండర్ ఛైర్మన్ వీ రమన్ కుమార్ తెలిపారు. ఈ సర్వీసు కేవలం తమ కస్టమర్లకు సాధికారత కల్పించడం మాత్రమే కాక, వారి డిమాండ్‌కు అనుగుణంగా అధునాతన అనుభవాన్ని అందించడానికి దోహదం చేస్తుందన్నారు. వాట్సాప్ యూజర్‌ బేస్‌తో తమ క్రెడిట్ ఫుట్‌ప్రింట్‌ను కూడా విస్తరించుకోనున్నామని పేర్కొన్నారు. ఆర్థిక చేరిక లక్ష్యాన్ని చేరుకునేందుకు ఇది సాయపడనుందని పేర్కొన్నారు.

క్యాష్ వాట్సాప్ చాట్ సర్వీసులు వాట్సాప్ బిజినెస్ ప్లాట్‌ఫామ్‌పై రూపొందాయి. ప్రపంచవ్యాప్తంగా వాట్సాప్ పొందిన 200 కోట్ల మంది యూజర్లలో మిలియన్ల మంది యూజర్లు భారత్ నుంచే ఉన్నారు. ఏఐతో ఛాట్‌బోట్ సౌకర్యాలను అందిస్తోన్న తొలి పిన్‌టెక్ ప్లేయర్‌గా CASHe నిలిచింది. బీటా దశలోనే కస్టమర్ల నుంచి అనూహ్యమైన స్పందన వచ్చిందని, కేవైసీ కంప్లియెంట్ యూజర్లకు క్షణాల్లో రుణాలను ఆమోదించినట్టు క్యాష్‌ఈ తెలిపింది.