నిరసనకారులపై క్యూబా తీవ్ర నిర్భంధం...ఏకంగా 25 ఏళ్లపాటు జైలు

స్చేచ్చ, సమానత్వం, సోషలిజం, కమ్యూనిజం ఇది కమ్యూనిస్టుల నినాలు. అలాంట కమ్యూనిస్టుల పాలనలోని క్యూబాలో నిరసనకారులపై నిర్భందం పెరుగుతోంది. నిరసనకారులపై క్యూబా ప్రభుత్వం ఉక్కుపాదం మోపుతోంది. ఇదిలావుంటే గత ఏడాది ధరల పెరుగుదల, ఆహారం, ఔషధాల కొరతపై నిరసనకారులు ఆగ్రహం వ్యక్తం చేశారు. దాంతో అప్పుడు బహిరంగ సభలు పెట్టినందుకు ఆందోళనకారులను భద్రతా దళాలు అదుపులోకి తీసుకున్నారు. అలాగే వారిని కొట్టడం, కారం చల్లడం వంటి ఫోటోలు సోషల్ మీడియాలో హల్‌‌చల్ చేశాయి. అయితే క్యూబాకు ఎంతో పోరాటాల చరిత్ర ఉంది. క్యూబాలో విప్లవాన్ని విజయవంతం చేయడానికి చెగువేరా పోరాడారు. గత కొన్నేళ్ల క్రితం వరకు ఫిడేల్ కాస్ట్రోనే పాలన సాగించేవారు. ఆయన మరణాంతరం అతని సోదరుడు రావుల్ కాస్ట్రో చేతుల్లో పాలన వెళ్లింది.

ఎక్కడైనా నిరసనలు, ఆందోళనలకు దిగిన వ్యక్తులను పోలీసులు అరెస్ట్ చేస్తారు. 24 గంటలు అదుపులో ఉంచుకుని వదిలేస్తారు. ఆందోళన తీవ్రస్థాయిలో ఉంటే.. వారిపై కొన్ని కేసులు పెడుతుంటారు. అయితే క్యూబాలో మాత్రం ఆందోళనకు దిగిన కొంతమందికి ఏకంగా 25 ఏళ్ల పాటు శిక్ష విధించారు. అందులోనూ క్యూబాలో ఇంత కఠినమైన శిక్ష విధించడం చర్చనీయాంశంగా మారింది.

గత ఏడాది వేసవిలో ప్రభుత్వ విధానాలను వ్యతిరేకిస్తూ ప్రజలు నిరసనలకు దిగారు. కమ్యూనిస్ట్ దేశమైన క్యూబాలో స్వేచ్ఛ కావాలని, ధరలు తగ్గించాలని చాలామంది ఆందోళనకు దిగారు. నిత్యావసరాల ధరలు పెరగడంతో ఆహార కొరత వల్ల ఆందోళనలు మిన్నంటాయి. వందలాది మంది ఈ నిరసన కార్యక్రమంలో పాల్గొన్నారు. ఆ సందర్భంగా పోలీసులు 381 మందిని అదుపులోకి తీసుకున్నారు. ప్రభుత్వం వారందరికీ శిక్ష విధించింది. అందులో కొందరికి 25 ఏళ్లపాటు శిక్ష ఖరారు చేసింది. అయితే ఇలా శిక్ష పడిన వారిలో 16 ఏళ్లలోపు పిల్లలు కూడా ఉన్నారు.

ఆందోళనకారులు దేశద్రోహం, పబ్లిక్ డిజార్డర్, దాడి లేదా దోపిడీ నేరాలపై జైలు శిక్ష విధించినట్టు అటార్నీ జనరల్ కార్యాలయం తెలిపింది. పైగా ఈ అల్లర్ల వెనుక అమెరికా హస్తం ఉన్నట్టు క్యూబా అధ్యక్షుడు మిగుల్ డియాజ్ కానెల్ ఆరోపించారు. అంతేకాదు దేశాన్ని అస్థిరపరిచేందుకు నియమించిన కిరాయి సైనికులుగా అభివర్ణించారు. కాగా ఈ ఆందోళనకారుల కేసు విచారణలో పారదర్శకత లేదని, అరెస్ట్ చేసిన వారిని రిలీజ్ చేయాలని అమెరికా డిమాండ్ చేస్తోంది.