శ్రీవారికి భారీగా అందిని విరాళాలు...ఎంతో తెలుసా
Andhra Pradesh Telugu | Suryaa Desk | Published : Sun, Jun 19, 2022, 04:28 PM
తిరుమల శ్రీ వెంకటేశ్వర స్వామికి విరాళాలు వరదలా వస్తున్నాయి. తాజాగా భారీ మొత్తంలో విరాళాలు అందాయి. టీవీఎస్ సంస్థ చైర్మన్ సుదర్శన్ శ్రీపద్మావతి చిన్నపిల్లల హృదయాలయకు రూ.1.05 కోట్లు విరాళంగా అందజేశారు. ఈ విరాళాన్ని చెక్ రూపంలో దాత తరుఫున ప్రతినిధి శ్రీవారి ఆలయంలోని రంగనాయక మండపంలో టీటీడీ ఈవో ధర్మారెడ్డికి అందజేశారు. అలాగే హైదరాబాద్కు చెందిన జీవీఆర్ ఇన్ఫ్రా సంస్థ తరఫున బాలాజీ ఆరోగ్య వరప్రసాదిని స్కీమ్కు రూ.1.26 కోట్లు అందజేశారు. అలాగే హరిబాబు, వెంకటేశ్వర్లు అనే భక్తులు రూ.10 లక్షల చొప్పున రూ.20 లక్షలను ఎస్వీ అన్నప్రసాదం ట్రస్టుకు అందజేశారు. రవిబాబు అనే భక్తుడు నుంచి ఎస్వీ గోసంరక్షణ ట్రస్టుకు రూ.2.50 లక్షలు అందింది. విరాళాలను తిరుమలలోని దాతల విభాగంలో డిప్యూటీ ఈవో పద్మావతికి అందజేశారు. వివిధ ట్రస్టులకు శనివారం మొత్తం రూ.2.53 కోట్లు విరాళంగా అందించారు.
మరోవైపు ఇటీవల టీటీడీ ట్రస్ట్లకు రూ.3.20 కోట్లు విరాళాలు అందాయి. హైదరాబాద్ ఆర్ఎస్ బ్రదర్స్ గ్రూప్స్ సంస్థ యాజమాన్యం వెంకటేశ్వర్లు, ప్రసాదరావు, రాజమౌళి ఎస్వీ ప్రాణదాన ట్రస్టుకు కోటి రూపాయలు ఇచ్చారు. అలాగే బాలాజీ ఆరోగ్య వరప్రసాదిని ట్రస్టుకు రూ.1.20 కోట్లు, ఎస్వీ అన్న ప్రసాదం ట్రస్టుకు రూ.60 లక్షలు అందజేశారు. ఇటు హైదరాబాదుకు చెందిన హానర్ హోమ్స్ సంస్థ యాజమాన్యం బాలచంద్ర, స్వప్న కుమార్ ఎస్వీ అన్న ప్రసాదం ట్రస్టుకు రూ.40 లక్షలు విరాళంగా అందించారు. కొద్ది రోజుల క్రితం కూడా స్వామివారికి భారీగా విరాళాలు అందిన సంగతి తెలిసిందే.
|
|