కల్వర్టును ఢీ కొట్టి బస్సు బోల్తా...పలువురికి తీవ్ర గాయాలు
Andhra Pradesh Telugu | Suryaa Desk | Published : Mon, Jun 20, 2022, 03:20 PM
విహార యాత్ర ఆ యాత్రికులకు విషాద యాత్రంగా మారింది. శ్రీకాకుళం జిల్లాలో ఘోర రోడ్డు ప్రమాదం జరిగింది. పశ్చిమబెంగాల్‌కు చెందిన పలువురు విహారయాత్ర కోసం టూరిస్ట్ బస్సులో కేరళకు బయలుదేరారు. నందిగాం మండలం పెద్దతామరాపల్లి సమీపంలోకి రాగానే బస్సు హైవే పక్కనే ఉన్న కల్వర్టును ఢీ కొట్టింది. ఈ ప్రమాదంలో బస్సు ఒక్కసారిగా బోల్తా పడింది. ప్రమాదం జరిగిన సమయంలో బస్సులో డ్రైవర్‌తో సహా 39 మంది ఉన్నారు.
ప్రయాణికుల్లో 22మందికి గాయాలయ్యాయి.. వారిని వెంటనే టెక్కలి జిల్లా ఆస్పత్రికి తరలించారు. క్షతగాత్రుల్లో నలుగురి పరిస్థితి విషమంగా ఉండటంతో వారిని శ్రీకాకుళం రిమ్స్‌కు తరలించారు. నందిగాం పోలీసులు ఘటనా స్థలానికి చేరుకుని పరిశీలించారు. ఈ ఘటనపై కేసు నమోదు చేసుకుని దర్యాప్తు చేస్తున్నారు. క్షతగాత్రుల్లో ఇద్దరు పిల్లులుతో పాటు 8మంది మహిళలు, 12మంది పురుషులు ఉన్నారు. అతివేగం, డ్రైవర్ నిద్ర మత్తే ప్రమాదానికి కారణమని ప్రాథమింకగా నిర్థారించారు.
|
|