కరోనా తెచ్చిన కష్టాలు...దివాళా తీసిన కోటీశ్వరులు
international | Suryaa Desk | Published : Wed, Jun 22, 2022, 02:22 PM
కరోనా అందర్నీ రోడ్డుపాలు చేసింది. కోటీశ్వరులను కూడా ముంచేసింది. ఇలాంటి కథే తాజాగా వెలుగులోకి వచ్చింది. గ్లోబల్ డ్రీమ్-2... ఇది ఒక అత్యంత విలాసవంతమైన ఓడ పేరు. ప్రపంచంలోనే అతిపెద్ద క్రూయిజ్ లైనర్లలో ఒకటి అవ్వాల్సిన ఓడ ఇది. ప్రస్తుతం ఇది జర్మనీలోని ఓ షిప్ యార్డ్ లో ఉంది. గ్లోబల్ డ్రీమ్-2 దురదృష్టం ఏమిటంటేదీని సొంతదారులు దివాలా తీశారు. ఇక, ఇంత పెద్ద ఓడను కొనుగోలు చేసేందుకు ఎవరూ ముందుకు రావడంలేదు. దాంతో దీన్ని ఏ భాగానికి ఆ భాగం విడదీసి తుక్కు సామాను కింద అమ్మేయనున్నారు. ఆశ్చర్యకరమైన విషయం ఏమిటంటే ఈ క్రూయిజ్ నౌక ఒక్కసారి కూడా సముద్రయానం చేయలేదు. తొలి ప్రయాణమే తుక్కు సామాన్ల యార్డుకు చేస్తోంది.
గ్లోబల్ డ్రీమ్-2కు ఓ సోదర నౌక కూడా ఉంది. దాని పేరు గ్లోబల్ డ్రీమ్. దాన్ని మాత్రం సముద్రయానాలకు సమాయత్తం చేసి, అప్పులు తీర్చుకోవాలన్న యోచనలో యాజమాన్యం ఉంది. ఆసియాకు చెందిన డ్రీమ్ క్రూయిజస్ ఈ నౌకల యజమాని. అయితే, కరోనా దెబ్బకు డ్రీమ్ క్రూయిజెస్, దాని మాతృ సంస్థ జెంటింగ్ హాంకాంగ్ ఆర్థికంగా కుప్పకూలాయి. దాంతో, రుణ సంస్థలు ఈ నౌకలను స్వాధీనం చేసుకున్నట్టు తెలుస్తోంది.
|
|