చూడచక్కని సమోసా...చూసేందుకా లేక తినేందుకా

సమోసా యావత్తు భారతదేశ ఫేమస్. ఇది భారత్ లో దొరకని చోటు అంటూ ఉండదూ. సమోసాను గుర్తు చేసుకుంటే చాలు నోరూరడం ఖాయం. అందులోని ఆలూ, బఠాణీ, స్పైసెస్ అన్నీ నోటి ఎంతో రుచికరంగా ఉంటాయి. చాలా మంది సాయంత్రం వేళ స్నాక్స్ రూపంలో సమోసాలు తింటారు. ఫుడ్ బ్లాగరైన చాహత్ ఆనంద్.. తరచూ రకరకాల వరైటీ రుచుల ఫుడ్‌లను పరిచయం చేస్తోంది. ఆమెకు సొంతంగా ఇన్‌స్టాగ్రామ్‌లో chahat_anand పేజీ ఉంది. దానికి 7.39 లక్షల మందికి పైగా ఫాలోయర్స్ ఉన్నారు. అలాగే యూట్యూబ్ ఛానెల్ కూడా ఉంది. తాజాగా ఆమె ప్రపంచంలోనే అతిపెద్ద సమోసాను పరిచయం చేసింది. (

జూన్ 20న ఈ సమోసాకి సంబంధించిన వీడియోని ఆమె ఇన్‌స్టాలో పోస్ట్ చేసింది. అందులో ఓ భారీ సమోసాను టేబుల్‌పై ఉంచారు. రెండు రకాల చట్నీలు ఇచ్చారు. ఆ సమోసాను అలా తీసుకొని నోట్లో పెట్టుకోవడం కుదరదు కాబట్టి.. ఆమె పెద్ద కత్తితో దాన్ని ఓ పక్కన కోసింది. ఈ వీడియోని సమోసా లవర్లకు ట్యాగ్ చెయ్యండి అని క్యాప్షన్‌లో కోరింది.

ఈ సమోసాపై నెటిజన్లు ఫన్నీ కామెంట్స్ ఇస్తున్నారు. "నేను డిన్నర్‌కి ఒకటే సమోసా తింటున్నానని గర్వంగా చెబుతున్నాను" అని ఓ యూజర్ స్పందించగా... "చూడటానికి సమోసాలా ఉంది కానీ అది బ్రేక్‌పాస్ట్, లంచ్, డిన్నర్‌కి సరిపోయేలా ఉంది" అని మరో యూజర్ కామెంట్ ఇచ్చారు. "ఈ లొకేషన్ ఎక్కడో తెలుసుకోవాలని హల్క్ అనుకుంటున్నాడు" అని మరో యూజర్ రిప్లై ఇచ్చారు.

"చూడటానికి సమోసా చాలా అందంగా ఉంది. తినాలనిపించేలా ఉంది" అని మరో యూజర్ స్పందించారు. "అది కేక్ లాంటిది అనుకున్నాను" అని మరో యూజర్ కామెంట్ ఇచ్చారు. "నా అభిమాన ఫుడ్ బ్లాగర్" అని మరో యూజర్ ఆమెను మెచ్చుకున్నారు. ఇలా చాలా మంది కామెంట్ ఇస్తున్నారు.