ట్రెండింగ్
CHAT BOT సేవలకు మంచి స్పందన
Andhra Pradesh Telugu | Suryaa Desk | Published : Mon, Jul 04, 2022, 04:06 PM
సెల్ ఫోన్ లు పోగొట్టుకున్న బాధిత ప్రజల కోసం అనంతపురం జిల్లా పోలీసుశాఖ ప్రారంభించిన " CHAT BOT" సేవలకు మంచి స్పందన లభిస్తోందని జిల్లా ఎస్పీ డాక్టర్ ఫక్కీరప్ప కాగినెల్లి IPS పేర్కొన్నారు. chatbot సేవలు ప్రారంభించి వారం గడవకనే 1387 మంది వినియోగించడం విశేషమన్నారు. కేవలం వాట్సాప్ మెసేజీ సమాచారంతో రికవరీ చేసిన సెల్ ఫోన్లలో 93 మొబైల్ ఫోన్లను సంబంధిత బాధిత ప్రజలకు ఈరోజు ఆయన అందజేశారు. పోలీసు స్టేషన్ కు వెళ్లకుండా FIR నమోదు చేయకుండా కేవలం వాట్సాప్ మేసేజీతో చోరీ/మిస్ అయిన సెల్ ఫోన్లు అతి తక్కువ సమయంలోనే అందుతుండటంతో బాధిత ప్రజల నుండీ హర్షం వ్యక్తమౌతోంది. ఇప్పటి వరకు 1169 సెల్ ఫోన్లు రికవరీ చేసినట్లు పోలీస్ వారు తెలియజేసారు. వీటిలో ఇప్పటి వరకు వెయ్యికి పైగానే సెల్ ఫోన్లను బాధితులకు ముట్టజెప్పినట్లు తెలుస్తుంది.
|
|