నాడు కాంగ్రెస్ నేతగా...నేడు టీడీపీ అధినేతగా నగరిపల్లెకు చంద్రబాబు రాక
Andhra Pradesh Telugu | Suryaa Desk | Published : Fri, Jul 08, 2022, 04:07 PM
చిత్తూరు జిల్లా నగరిపల్లెకు చంద్రబాబు రాక రాజకీయంగా ప్రాధాన్యత సంతరించుకొంది. ఈ పల్లెకు చంద్రబాబు రెండు పర్యాయాలు వచ్చారు. తెలుగుదేశం పార్టీ అధినేత నారా చంద్రబాబునాయుడు చిత్తూరు జిల్లాలోని నగరిపల్లెకు చేరుకున్నారు. ఆయనీ గ్రామానికి రావడం 40 ఏళ్ల తర్వాత ఇదే తొలిసారి. అప్పట్లో కాంగ్రెస్ పార్టీ నేతగా వచ్చిన ఆయన ఇప్పుడు టీడీపీ అధినేతగా గ్రామంలో అడుగుపెట్టారు. టీడీపీ జాతీయ ప్రధాన కార్యదర్శి నల్లారి కిశోర్‌కుమార్ రెడ్డి ఇంటికి వెళ్లి ఆతిథ్యాన్ని స్వీకరించారు. ఆయన కుటుంబ సభ్యులతో కాసేపు ముచ్చటించారు. 40 ఏళ్ల క్రితం కూడా చంద్రబాబు వారింటికే వెళ్లడం గమనార్హం. కిశోర్‌కుమార్ రెడ్డి తండ్రి, మాజీ మంత్రి నల్లారి అమర్‌నాథ్‌రెడ్డిని కలుసుకునేందుకు చంద్రబాబు అదే ఇంటికి వచ్చారు. ఇప్పుడు మళ్లీ ఇన్నేళ్ల తర్వాత అదే ఇంటికి వెళ్లడం గమనార్హం. ఇదిలావుంటే గ్రామానికి వచ్చిన చంద్రబాబుకు మహిళలు హారతులు పట్టి స్వాగతం పలికారు.
|
|