కెనరా బ్యాంకులో రుణం అంటే ఇక మోతపడ్డటే

రుణం అంటే ఇక మోత్త తప్పని పరిస్థితి అని కెనరా బ్యాంకు కస్టమర్లకు తెలుసుకోవాల్సిన సమయం ఆసన్నమైంది. ప్రభుత్వ రంగానికి చెందిన ప్రముఖ బ్యాంక్ కెనరా బ్యాంక్ తాజాగా కీలక నిర్ణయం తీసుకుంది. రుణ రేట్లు పెంచేసింది. మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేటు (ఎంసీఎల్ఆర్) పెంచుతున్నట్లు వెల్లడించింది. అలాగే రెపో లింక్డ్ లెండింగ్ రేటు (ఆర్ఎల్ఎల్ఆర్) కూడా పెంచేసింది. దీంతో బ్యాంక్ నుంచి లోన్ తీసుకునే వారిపై, అలాగే ఇప్పటికే లోన్ తీసుకున్న వారిపై ప్రతికూల ప్రభావం పడనుంది. రుణ రేట్ల పెంపు నిర్ణయం జూలై 7 నుంచే అమలులోకి వచ్చేసింది.

బ్యాంక్ ఓవర్ నైట్ ఎంసీఎల్ఆర్ 10 బేసిస్ పాయింట్లు పెరిగింది. 6.75 శాతానికి చేరింది. అలాగే 3 నెలల ఎంసీఎల్ఆర్ 7.05 శాతానికి చేరింది. 10 బేసిస్ పాయింట్లు పైకి చేరింది. అలాగే ఆరు నెలల ఎంసీఎల్ఆర్ కూడా 10 బేసిస్ పాయింట్ల పెరుగుదలతో 7.45 శాతానికి ఎగసింది. ఏడాది ఎంసీఎల్ఆర్ రేటు 7.5 శాతానికి చేరింది. ఇందులో కూడా 10 బేసిస్ పాయింట్ల పెరుగుదల నమోదు అయ్యింది. బ్యాంకులు సాధారణంగా హోమ్ లోన్స్ వంటి రుణాలకు ఏడాది ఎంసీఎల్ఆర్ రేటును పరిగణలోకి తీసుకుంటాయి.

అలాగే కెనరా బ్యాంక్ రెపో లింక్డ్ లెండింగ్ రేటును కూడా పెంచింది. ఈ రేటు ఏకంగా 50 బేసిస్ పాయింట్ల మేర పైకి కదిలింది. ఆర్ఎల్ఎల్ఆర్ ఇది వరకు 7.3 శాతంగా ఉండేది. ఇప్పుడు ఇది 7.8 శాతానికి చేరింది. ఆర్ఎల్ఎల్ఆర్ అనేది ఆర్‌బీఐ రెపో రేటుతో లింక్ అయ్యి ఉంటుంది. ఆర్‌బీఐ జూన్ నెలలో రెపో రేటు 50 బేసిస్ పాయింట్లు పెరిగింది. దీంతో బ్యాంక్ ఆర్ఎల్ఎల్ఆర్ కూడా పైకి చేరింది. దీంతో ఈ రుణ రేటుతో లోన్ తీసుకున్న వారిపై ప్రభావం పడుతుంది. రుణ రేటు పైకి చేరుతుంది. ఈఎంఐ భారం పెరుగుతుంది. అలాగే ఎంసీఎల్ఆర్ రేటు పెంపు వల్ల కూడా ఇదే ప్రభావం ఉంటుంది. కాగా ఇటీవలనే ప్రైవేట్ రంగానికి చెందిన ఐసీఐసీఐ బ్యాంక్, హెచ్‌డీఎఫ్‌సీ బ్యాంక్ కూడా రుణ రేట్లు పెంచాయి. కాగా కస్టమర్లు లోన్ తీసుకోవాలని భావిస్తే.. ఏ బ్యాంకులో తక్కువ వడ్డీ రేట్లు ఉన్నాయో చెక్ చేసుకోవాలి. అలాగే ఇతర చార్జీలు గమనించాలి. ఎక్కడ తక్కువ ఉంటే అక్కడ లోన్ కోసం అప్లై చేసుకోవడం ఉత్తమం.