త్వరలో ఫ్రిడ్జ్‌లు, ఏసీల, వాషింగ్ మెషిన్ల ధరలు

ఫ్రిడ్జ్‌లు, ఏసీల, వాషింగ్ మెషిన్ల కొన్నాలనుకొనే వారికి మాత్రం ఇది శుభవార్త. త్వరలో వీటి ధరలు తగ్గివచ్చే అవకాశముందని సమాచారం. ఇదిలావుంటే ఆర్థిక మందగమనం భయాలతో ప్రపంచవ్యాప్తంగా కమోడిటీల ధరలు దిగొస్తున్నాయి.. ఇన్‌పుట్ ఖర్చులు తగ్గడంతో.. కంపెనీ ఆ ప్రయోజనాలను కస్టమర్లకు బదలాయించాలని చూస్తున్నాయి. దీంతో ఫ్రిడ్జ్‌లు, ఏసీల, వాషింగ్ మెషిన్ల ధరలు త్వరలోనే తగ్గే అవకాశాలు కనిపిస్తున్నాయి. ముడి సరుకుల ఖర్చులు ఖరీదైనవిగా మారడంతో.. పలు రకాల ప్రొడక్టులపై కంపెనీలు ధరలను పెంచిన సంగతి తెలిసిందే.

ఉక్రెయిన్-రష్యా సంక్షోభం తర్వాత గరిష్ట స్థాయిలకి ఎగిసిన కాపర్ ధరలు ప్రస్తుతం 21 శాతం చౌకగా మారాయి. స్టీల్ ధర కూడా 19 శాతం తగ్గింది. అల్యూమినియం ధరలు ఏప్రిల్ నెల గరిష్ట స్థాయిల నుంచి 36 శాతం తగ్గిపోయినట్టు బ్రోకరేజ్ సంస్థ ఐసీఐసీఐ సెక్యూరిటీస్ తెలిపింది. కమోడిటీల ధరలు తగ్గడంతో.. కంపెనీల మార్జిన్లు పెరిగాయి. ద్రవ్యోల్బణాన్ని నియంత్రించేందుకు ఈ ధరల తగ్గింపు సాయం చేయనుందని ఐసీఐసీఐ సెక్యూరిటీస్ చెప్పింది.

‘ఇన్‌పుట్ ధరలు తగ్గడంతో.. పెరిగిన ఉత్పత్తుల ధరలు తగ్గాల్సి ఉంది. డ్యూరబుల్ కంపెనీలు గత రెండేళ్లుగా ధరలను పెంచుతూ వెళ్లాయి. ప్రస్తుతం ఈ ధరల నుంచి వినియోగదారులకు కాస్త ఉపశమనం కావాల్సి ఉందని మేము భావిస్తున్నాం. గత రెండేళ్లలో డ్యూరెబుల్ కంపెనీలు 20 శాతానికి పైగా ధరలు పెంచాయి’ అని ఐసీఐసీఐ సెక్యూరిటీస్ తెలిపింది.

రష్యా-ఉక్రెయిన్ సంక్షోభం ప్రారంభమైన తర్వాత.. గ్లోబల్ ఎకానమీలో ద్రవ్యోల్బణ దశాబ్దాల గరిష్ట స్థాయిలకు ఎగిసింది. గ్రోత్ సన్నగిల్లింది. భౌగోళిక రాజకీయ ఆందోళనలు పెరిగాయి. దీంతో క్రూడాయిల్ ధరలు, ఇతర కమోడిటీల ధరలు గరిష్ట స్థాయిలకు ఎగిశాయి. ప్రస్తుతం క్రూడాయిల్ ధరలు, ఇతర కమోడిటీల ధరలు తగ్గుముఖం పట్టాయి.

ఇదిలావుంటే ఏసీలు, ఫ్రిడ్జ్‌లు, మైక్రోవేవ్‌లు, వాషింగ్ మెసిన్ల తయారీదారుల మార్జిన్లు పెరగడంతో.. కంపెనీలు వ్యాపార ప్రకటనలను పెంచుతున్నాయి. అంతేకాక కస్టమర్లకు డిస్కౌంట్లను ఆఫర్ చేసేందుకు చూస్తున్నాయి. మరికొన్ని రోజుల్లో ఫెస్టివ్ సీజన్ ప్రారంభం కాబోతుండటంతో.. కొనుగోళ్లు పెంచేందుకు కంపెనీలకు ఆఫర్లు సాయం చేయనున్నాయి.