వై.ఎస్.జగన్ మెడలో పార్టీ ఐడీ కార్డ్..సమావేశాల్లో ప్రత్యేక ఆకర్షణగా
Andhra Pradesh Telugu | Suryaa Desk | Published : Fri, Jul 08, 2022, 07:59 PM
ముఖ్యమంత్రి వై.ఎస్.జగన్మోహన్ రెడ్డి తాజాగా జరుగుతున్న వైసీపీ ప్లీనరీలో పార్టీ ఐడీ కార్డు ధరించారు. ఇపుడు అదే ఈ సమావేశాల్లో ఆయన్ని ప్రత్యేక ఆకర్షణగా నిలిపింది. ఇదిలావుంటే అధికారంలోకి వచ్చిన మూడేళ్ల తర్వాత వైసీపీ అత్యంత ఘనంగా పార్టీ సమావేశాలు నిర్వహించుకుంటోంది. గుంటూరు జిల్లా నాగార్జున యూనివర్సిటీ వద్ద ఏర్పాటైన వైసీపీ ప్లీనరీకి సీఎం జగన్, పార్టీ గౌరవాధ్యక్షురాలు వైఎస్ విజయమ్మ, పార్టీ జాతీయ ప్రధాన కార్యదర్శి విజయసాయిరెడ్డి, మంత్రులు, ఎంపీలు, ఎమ్మెల్యేలు, నేతలు, కార్యకర్తలు హాజరయ్యారు. ఇదిలావుంటే ప్లీనరీ సమావేశాలను అత్యంత క్రమశిక్షణతో నిర్వహించేందుకు వైసీపీ నేతలు తగిన ఏర్పాట్లు చేశారు. ఈ క్రమంలో ప్రతి ఒక్కరికీ ఐడీ కార్డులు రూపొందించారు. ఆఖరికి పార్టీ అధ్యక్షుడు, ముఖ్యమంత్రి వైఎస్ జగన్ కు కూడా ప్రత్యేకంగా ఐడీ కార్డు డిజైన్ చేశారు. ఈ కార్డును విజయసాయి అందించగా, జగన్ చిరునవ్వుతో మెడలో వేసుకున్నారు. దీనికి సంబంధించిన ఫొటో సామాజిక మాధ్యమాల్లో సందడి చేస్తోంది.
|
|