ఆకట్టుకొంటున్న జియోఫైబర్‌ రూ.1,499 ప్లాన్‌..ఆ ప్యాకేజీలోని ప్రయోజనాలు అందుకు కారణం

జియోఫైబర్‌లో రూ.1,499 ప్లాన్‌ కస్టమర్లను తెగ ఆకట్టుకొంటోంది. ఈ ప్యాకేజీలో అద్బుతమైన ప్రయోజనాలు ఉండటమే ఇందుకు ప్రధాన కారణం. రిలయన్స్ జియో కు చెందిన బ్రాడ్‌బ్యాండ్ జియోఫైబర్ అదరగొడుతోంది. దేశంలో యూజర్ల సంఖ్యను వేగంగా పెంచుకుంటోంది. ఈ క్రమంలోనే నంబర్‌వన్ ఫైబర్ బ్రాడ్‌బ్యాండ్ సర్వీస్ ప్రొవైడర్‌గా అవతరించింది. హైస్పీడ్ ప్లాన్‌లు తీసుకునే కస్టమర్లకు సెట్ టాప్‌ బాక్స్‌ను ఉచితంగా ఇస్తుండడం, అన్ని రేంజ్‌ల్లో మంచి బెనిఫిట్స్‌తో ప్లాన్‌లను ప్రవేశపెట్టడం, ఓటీటీ ప్లాట్‌ఫామ్‌ సబ్‌స్క్రిప్షన్‌ను ఉచితంగా ఇస్తుండడంతో చాలా మంది జియో ఫైబర్‌కు మొగ్గు చూపుతున్నారు. ఈ నేపథ్యంలో జియో ఫైబర్ బ్రాడ్‌బ్యాండ్‌లో దూసుకుపోతోంది. అయితే జియో ఫైబర్‌లో ఎక్కువ మంది రీచార్జ్ చేసుకుంటున్న ప్లాన్‌ ఏదో రిలయన్స్ జియో తాజాగా వెల్లడించింది. బెస్ట్ సెల్లింగ్ ప్లాన్‌ ఏదో ప్రకటించింది.

జియోఫైబర్ బెస్ట్ సెల్లింగ్ ప్లాన్‌ ఇదే..

జియోఫైబర్‌లో రూ.1,499 ప్లాన్‌ బెస్ట్ సెల్లింగ్‌గా ఉంది. ఎక్కువ మంది కస్టమర్లు ఈ ప్లాన్‌నే తీసుకుంటున్నారు. జియోఫైబర్ రూ.1,499 ప్లాన్‌ తీసుకుంటే 300 ఎంబీపీఎస్ ఇంటర్నెట్ స్పీడ్ లభిస్తుంది. నెలకు 3,300 జీబీ (3.3 టీ.బీ.) హైస్పీడ్ డేటా దక్కుతుంది. 3.3 టీ.బీ. అయిపోయినా కాస్త తక్కువ స్పీడ్‌లో అన్‌లిమిటెడ్‌గా డేటాను వినియోగించుకోవచ్చు.

ఇక రూ.1,499 ప్లాన్‌ను తీసుకుంటే 17 ఓటీటీ ప్లాట్‌ఫామ్‌ల సబ్‌స్క్రిప్షన్ ఉచితంగా లభిస్తుంది. నెట్‌ఫ్లిక్స్, అమెజాన్ ప్రైమ్ వీడియో, డిస్నీ+ హాట్‌స్టార్, సోనీలివ్, జీ5, వూట్ కిడ్స్, సన్‌నెక్ట్స్, వూట్ సెలెక్ట్, హొచోయ్, డిస్కవరీ+, యూనివర్సల్+, లయన్స్‌గేట్ ప్లే, ఎరోన్ నౌ, జియో సినిమా, జియో సావన్, ఆల్ట్‌ బాలాజీ ఓటీటీలు ఉచితంగా వినియోగించుకోవచ్చు. జియోఫైబర్ ప్రీపెయిడ్, పోస్ట్‌పెయిడ్ రెండింట్లోనూ ఇవే బెనిఫిట్స్ ఉంటాయి. ఈ ప్లాన్‌ను ఎంపిక చేసుకుంటే కొత్త కస్టమర్లు సెట్ టాప్‌ బాక్స్‌ను ఉచితంగా పొందవచ్చు. దీనికి ఇది మరో ప్రధాన ఆకర్షణగా ఉంది.

జియోఫైబర్‌లో రూ.1,499 బెస్ట్ సెల్లింగ్ ప్లాన్‌గా నిలిస్తే..రూ.999 పాపులర్ ప్లాన్‌గా ఉంది. ఈ రూ.999 ప్లాన్‌ తీసుకుంటే 150 ఎంబీపీఎస్ ఇంటర్నెట్ వేగంతో అన్‌లిమిటెడ్ డేటా లభిస్తుంది. నెట్‌ఫ్లిక్స్ మినహా రూ.1,499తో లభించే 16 ఓటీటీ ప్లాట్‌ఫామ్‌ల సబ్‌స్క్రిప్షన్ ఉచితంగా లభిస్తుంది. ఇదిలావుంటే  జియోఫైబర్‌లో రూ.399, రూ.699, రూ.2,499, రూ.3,999, రూ.8499 ప్లాన్‌లు కూడా అందుబాటులో ఉన్నాయి.