రోజా లేకున్నా ...ఖుష్బూ వచ్చేసిందిగా

జబర్థస్త్ అంటేనే అందరికీ గుర్తుకొచ్చేది నాగబాబు, రోజా. రోజా మంత్రి అయ్యాక జబర్థస్త్ కు దూరమయ్యారు. అయితే ఆమె స్థానం ఖాళీగా లేకపోయినా ఆమె లోటు మాత్రం స్పష్టంగా కనిపించింది. ఈ లోటు ఖుష్బూ రూపంలో భర్తీ అయిందన్న టాక్ ఇపుడిపుడే మొదలైంది. జబర్దస్త్‌కి రోజా గుడ్ బై చెప్పేయడంతో జడ్జీ చైర్‌కి కల తప్పింది. హీరోయిన్ ఇంద్రజ రోజా ఉన్నప్పుడే జబర్దస్త్‌లో వస్తూ వెళ్తూ ఉండేది. అయితే రోజా పర్మినెంట్‌గా జబర్దస్త్ జడ్జీ చైర్‌ను ఖాళీ చేసేయడంతో ఆమె చైర్‌లో ఫిక్స్ అయిపోయింది ఇంద్రజ. చక్కని రూపం, ఆకర్షించే అందంలో జబర్దస్త్ జడ్జీ అనిపిస్తున్నప్పటికీ.. ఏళ్లకు ఏళ్లు బజర్దస్త్ జడ్జీగా ఉన్న రోజా లేని లోటుని అయితే తీర్చలేకపోయింది. ఇక సింగర్ మనో కూడా జబర్దస్త్ నుంచి వేరే ఛానల్‌కి జంప్ కొట్టడంతో ఇప్పుడు మరో జడ్జీ ఛైర్ కూడా ఖాళీ అయ్యింది.

అయితే రోజా స్థానాన్ని భర్తీ చేయాలంటే.. రోజా లాంటి అందమే కాదు.. ఆ స్థాయిలో పంచ్‌లు వేసే ఆర్టిస్ట్ ఎవరున్నారా? అని వెతికి వెతికి సంచలన నటి ఖుష్బూని ) జబర్దస్త్ షోకి పట్టుకుని వచ్చారు. తాజాగా ఎక్స్ ట్రా జబర్దస్త్ ప్రోమో విడుదల కాగా.. ఇందులో ఖుష్బూ జిల్ జిగేల్ అనిపించింది. బ్లాక్ డ్రెస్‌లో గ్లామర్ డాల్‌ మాదిరిగా కనిపించిన ఈ సీనియర్ బ్యూటీ.. పంచ్‌ల విషయంలో ఫుల్ స్వింగ్‌లో కనిపించింది. ఓ చైర్‌లో ఇంద్రజ.. మరో చైర్‌లో ఖుష్బూ వీళ్లిద్దరూ కలసి ‘ఎక్స్ ట్రా జబర్దస్త్‌’కి కొత్త కలరింగ్ ఇచ్చారు.

చిన్నతంబీ సినిమాను రీమేక్ చేస్తున్నా అని బుల్లెట్ భాస్కర్ స్కిట్ వేయగా.. ‘మీరు రీమేక్ చేస్తున్నారా? నాకు రీ మిక్స్ చేస్తున్నట్టు ఉంది’ అంటూ పంచ్‌లో మొదలుపెట్టారు. బుల్లెట్ భాస్కర్ స్కిట్.. నా గుండెల్లో గుచ్చుకుంది అంటూ ఖుష్బూ ఇచ్చిన ఎక్స్ ప్రెషన్స్ అదిరిపోయింది. ఆ తరువాత ఆటో రాం ప్రసాద్‌కి ఇచ్చిన రివర్స్ పంచ్ అయితే కేక పుట్టించింది. ఖుష్బూ గారూ మా షోకి వచ్చినందుకు వెల్కమ్.. తమిళనాడులో మీ ఫాలోయింగ్‌కి గుడి కూడా కట్టారు.. మీరు మా షోలో ఉండిపోతే మా గుండెల్లో గుడి కడతాం’ అని రామ్ ప్రసాద్ బిస్కెట్ వేయగా.. ‘అంటే ఇంకా కట్టలేదా?’ అంటూ దిమ్మతిరిగే పంచ్ వేసింది ఖుష్బూ. స్టార్టింగ్ టు ఎండింగ్ వరకూ ఫుల్ ఎనర్జీతో కనిపించిన ఖుష్బూ.. బజర్దస్త్ జడ్జీగా రోజా లేని లోటుని తీర్చేట్టుగానే కనిపించింది.