నీటి ఒడ్డున బీజేపీ నేతలకు అరుణాచల్ ప్ర‌దేశ్ సీఎం విందు
national | Suryaa Desk | Published : Wed, Jul 13, 2022, 09:20 PM
ప్రకృతి సోయగాలను ఆస్వాదిస్తూ అల్పహార విందు తీసుకొంటే వచ్చే మజాయే వేరప్పా. అరుణాచల్ ప్ర‌దేశ్ కొండ‌లు, గుట్ట‌లు, వాగులు, వంక‌ల‌తో కూడిన రాష్ట్రం. వెర‌సి ప్రకృతి అందాల‌కు నెల‌వు అరుణాచల్ ప్ర‌దేశ్. ప్రకృతి ప్రేమికుల‌ను ఇట్టే ఆక‌ట్టుకుంటున్న ఆ రాష్ట్రానికి బీజేపీ యువ‌జ‌న విభాగం జాతీయ అధ్యక్షుడు, బెంగ‌ళూరు ద‌క్షిణ ఎంపీ తేజ‌స్వీ సూర్య‌తో క‌లిసి బీజేవైఎం జాతీయ ప్ర‌ధాన కార్య‌ద‌ర్శి రోహిత్ చాహ‌ల్ వెళ్లారు. వీరికి అరుణాచల్ సీఎంగా ఉన్న బీజేపీ నేత పెమా ఖండూ ఓ విందు కూడా ఇచ్చారు.
ఆ విందు ఎక్క‌డ జ‌రిగిందో తెలుసా? కొండ ప్రాంతంలో ఓ కాలువ ఒడ్డున వీరికి పెమా ఖండు అల్పాహార విందు ఇచ్చారు. గ‌ల‌గ‌ల పారే కాలువ ఒడ్డున ఓ టేబుల్‌, మూడు కుర్చీలు ఏర్పాటు చేసిన ఖండూ... తేజ‌స్వీ సూర్య, రోహిత్ చాహ‌ల్‌ల‌కు అల్పాహార విందు ఇచ్చారు. ఈ విందుకు సంబంధించిన ఫొటోల‌ను రోహిత్ చాహ‌ల్ తన ట్విట్ట‌ర్ ఖాతాలో పోస్ట్ చేశారు.
|
|