పేడనే కాదు..ఇపుడు గో మూత్రాన్ని కొనుగోలు చేస్తాం: ఛత్తీస్ ఘడ్ ప్రభుత్వం వెల్లడి
national | Suryaa Desk | Published : Wed, Jul 20, 2022, 04:09 PM
గో మూత్రానికి ఇపుడు డిమాండ్ పెరగనున్నదోవ్. ఎందుకంటారా ఇపుడు గో మూత్రాన్ని ఛత్తీస్ ఘడ్ రాష్ట్ర ప్రభుత్వం అధికారికంగా కొనుగోలు చేయనున్నది. ఇటీవలే ఛత్తీస్‌గఢ్ ప్రభుత్వం నూతన పథకాన్ని ప్రవేశపెట్టింది. రైతు పండగను పురస్కరించుకుని గో మూత్రాన్ని కొనుగోలు చేయనున్నట్లు ఆ రాష్ట్ర ప్రభుత్వం ప్రకటించింది. జులై 28 నుంచి ఈ కార్యక్రమాన్ని ప్రారంభిస్తున్నట్లు అధికారులు తెలిపారు. 'గోధన్ న్యాయ్ యోజన' కింద ఇప్పటికే ఆవు పేడను కొనుగోలు చేస్తున్న ఛత్తీస్‌గఢ్ ప్రభుత్వం ఇప్పుడు మూత్రాన్ని కూడా సేకరించడం విశేషం.
నూతన పథకాన్ని మొదటి విడతగా జిల్లాకు రెండు కేంద్రాల చొప్పున ఏర్పాటు చేసి కొనుగోలు చేయనున్నట్లు నిర్ణయించారు. లీటర్ గో మూత్రం ధర రూ.4 చొప్పున ప్రభుత్వం నిర్ణయించింది. ఈ పథకం.. గో మూత్రం కొనుగోలు కోసం ప్రత్యేక కమిటీని కూడా రాష్ట్ర ప్రభుత్వం నియమించింది. మహిళా స్వయం సహాయక సంఘాల ద్వారా కొనుగోలు కేంద్రాలు ఏర్పాటు చేయనున్నారు. ఎరువులు, క్రిమి సంహారక ఉత్పత్తుల తయారీలో గోమూత్రాన్ని వినియోగిస్తారని అధికారులు తెలిపారు.
గ్రామీణ ప్రాంతాల్లో ఉన్న వారి ఆర్థిక స్థితిగతులు మెరుగుపరిచేందుకు ఇలాంటి పథకాలు ఉపయోగపడతాయని అధికారులు చెబుతున్నారు. ప్రస్తుతం ఛత్తీస్‌గఢ్‌లో భూపేష్ బాఘేల్ నేతృత్వంలోని కాంగ్రెస్ పార్టీ అధికారంలో ఉంది. రాజకీయ పరంగా భారతీయ జనతా పార్టీని ఎదుర్కొనేందుకు కూడా అక్కడి కాంగ్రెస్ పార్టీకి ఈ పథకం ఎంతో మేలు చేకూరుస్తుందని విశ్లేషకులు అంటున్నారు.
|
|