కళాశాలలను తనిఖీ చేసిన బృందం

పార్వతీపురం జిల్లా విద్యా పర్యవేక్షణ బృందం పార్వతీపురం పట్టణంలో గల భాస్కర జూనియర్ కాలేజ్, ఆర్. కే. జూనియర్ కాలేజ్ విద్యాసంస్థలను మంగళ వారం తనిఖీ చేసింది. ప్రైవేటు విద్యా సంస్థలలో విద్యను అభ్యసిస్తున్న విద్యార్థులలో చదువులపై ఒత్తిడిని, మానసిక ఆందోళనలు తగ్గించడానికి జిల్లా జాయింట్ కలెక్టర్ చైర్మన్ గా పది ప్రభుత్వ విభాగాలతో కూడిన డిస్ట్రిక్ట్ మానిటరింగ్ బృందం ఏర్పాటు చేయడం జరిగింది.

ఇంటర్మీడియట్ విద్య కమిషనర్, పార్వతీపురం మన్యం జిల్లా కలెక్టర్ సూచనలు, ఆదేశాల మేరకు కన్వీనర్ మరియు జిల్లా వృత్తివిద్య శాఖ అధికారి డి. మంజుల వీణ ఆధ్వర్యంలో విద్యాసంస్థలను సందర్శించింది. విద్యను అభ్యసిస్తున్న విద్యార్థులను ఉద్దేశించి, వారి చదువుల పైన తీవ్రమైన ఒత్తిడిని, ప్రైవేటు యాజమాన్యం ద్వారా గాని పేరెంట్స్ వల్ల గాని మానసిక ఆందోళనకు గురికాకుండా, విద్యార్థులపై ఒత్తిడిని తగ్గిస్తూ తగు సలహాలు సూచనలు చేస్తూ విద్యార్థులతో సమీక్షా సమావేశాన్ని నిర్వహించారు. ఇందులో భాగంగా అగ్ని ప్రమాదాల నుంచి రక్షణ కల్పించే పరికరాలు, బాలురు, బాలికల అమ్మాయిల మరుగుదొడ్లు, కళాశాల ఆఫ్లియేషన్, శానిటేషన్, హాస్టల్లు, మెనూ, భవనాల పటుత్వం, మంచినీటి వసతి, పార్కింగ్ , విద్యుదీకరణ, ఫర్నిచర్, విద్యార్థిని విద్యార్థులకు కంప్యూటర్ సౌకర్యం, ప్రయోగశాలలో పరికరాలు, బాలికల వెయిటింగ్ రూములు, కాంపౌండ్ వాల్ తదితర విషయములు పరిశీలించడం జరిగింది. ఒత్తిడి లేకుండా మానసిక ప్రశాంతతో విద్యను అభ్యసించాలని బృందం విద్యార్థులకు, కళాశాల యాజాన్యంకు సూచించింది. ఈ కార్యక్రమంలో కమిటీ సభ్య శాఖల అధికారులు పాల్గొన్నారు.