ట్రెండింగ్
ఎప్పుడు ఎన్నికలు వచ్చినా టీడీపీ సిద్దం: కళా వెంకట్రావ్
Andhra Pradesh Telugu | Suryaa Desk | Published : Wed, Jul 27, 2022, 08:48 PM
ఎప్పుడు ఎన్నికలు వచ్చినా టీడీపీ సిద్దంగా ఉందని మాజీ మంత్రి కళా వెంకట్రావు అన్నారు. రైతులకు 10 బస్తాల విత్తనాలు ఇవ్వాల్సిన చోట ఒక బస్తా ఇస్తున్నారని ఆరోపించారు. నీరో చక్రవర్తిలా సీఎం తాడేపల్లిలో ఉంటున్నారంటూ ధ్వజమెత్తారు. పోలవరం నిర్వాసిత గ్రామాల ప్రజలు తిరిగి తెలంగాణకు వెళ్లిపోతామనడం ప్రభుత్వానికి సిగ్గు చేటని..అభివృద్ధి, సంక్షేమం ఎలా ఉందో అనడానికి ఇదే నిదర్శనమన్నారు. వైఎస్సార్సీపీ ప్రభుత్వం సమస్యలను పక్కకు పెడుతోందని ఆగ్రహం వ్యక్తం చేశారు. జూన్ కల్లా రోడ్డు పూర్తి చేస్తామని చెప్పి మాట తప్పారని మండిపడ్డారు. రోడ్లపై నాట్లు వేసుకునే పరిస్ధితి వచ్చిందని.. వరద సాయం కోసం నిలదీస్తే కలెక్టర్లే వెనుదిరిగిన పరిస్థితి ఉందన్నారు.
|
|