ట్రెండింగ్
వేగంగా వచ్చి ఢీ కొన్న లారీలు...పెద్ద ఎత్తున్న మంటలు
national | Suryaa Desk | Published : Mon, Aug 01, 2022, 11:41 PM
కొన్ని సీన్లు నిజజీవితంలోనూ సినిమాలను తలపిస్తాయి. తాజాగా అదిలాబాద్ జిల్లాలో ఘోర రోడ్డు ప్రమాదం జరిగింది. నేరడిగొండ మండలంలోని కుప్టిఘాట్ సమీపంలో జాతీయ రహదారి రెండు లారీలు ఢీకొన్నాయి. మధ్యప్రదేశ్‌లోని గ్వాలియర్ నుంచి హైదరాబాద్ వెళ్తున్న లారీని రాజస్థాన్‌ నుంచి హైదరాబాద్ వెళ్తున్న లారీ వెనుక నుంచి బలంగా ఢీకొట్టింది. సోమవారం తెల్లవారుజామున 4గంటల సమయంలో జరిగిన ఈ ఘటనలో రెండు లారీల్లోనూ మంటలు చెలరేగాయి. దీంతో అప్రమత్తమైన ఓ లారీలోని డ్రైవర్, క్లీనర్ వెంటనే క్యాబిన్ నుంచి దిగి పరుగులు పెట్టారు. అందరూ చూస్తుండగానే రెండు లారీలు మంటల్లో చిక్కుకుని దగ్ధమయ్యాయి. మరో లారీలో ఉన్న డ్రైవర్, క్లీనర్ ఆచూకీ తెలియకపోవడంతో వారు అందులోనే చిక్కుకుపోయి ఉండొచ్చన్న అనుమానాలు వ్యక్తమవుతున్నాయి. పోలీసులు వెంటనే సంఘటనా స్థలానికి చేరుకుని సహాయచర్యలు చేపట్టారు.
|
|