వరద ప్రాంతాల్లో చంద్రబాబు బురద రాజకీయాలు: మంత్రి రోజా
Andhra Pradesh Telugu | Suryaa Desk | Published : Mon, Aug 01, 2022, 11:47 PM
వరద ప్రాంతాల్లో చంద్రబాబు బురద రాజకీయాలు చేస్తున్నారని మంత్రి రోజా మండిపడ్డారు. టీడీపీ హయాంలో పోలవరం ప్రాజెక్టును ఎందుకు పూర్తి చేయలేకపోయారని ప్రశ్నించారు. వతిరుమల శ్రీవారిని దర్శించుకున్న మంత్రి ఆర్కే రోజా. ఉదయం విఐపీ దర్శన సమయంలో స్వామివారిని దర్శించుకొని మొక్కులు చెల్లించుకొన్నారు. దర్శనం అనంతరం ఆలయ అర్చకులు ఆశీర్వదించి తీర్ధప్రసాదాలు అందజేశారు. అనంతరం టీడీపీ అధినేతపై ఆగ్రహం వ్యక్తం చేశారు.
చంద్రబాబు మళ్లీ అధికారంలోకి వస్తే పోలవరం పూర్తి చేస్తామనడం హాస్యాస్పదంగా ఉందన్నారు రోజా. సొంత నియోజకవర్గం కుప్పంను అభివృద్ధి చేయలేని వ్యక్తి.. ముంపు మండలాలను జిల్లాగా మారుస్తారట అంటూ ఎద్దేవా చేశారు. చంద్రబాబును ప్రజలు నమ్మే పరిస్థితి లేదని.. రాబోయే ఎన్నికల్లో చంద్రబాబుకు 23 సీట్లు కూడా రావని మంత్రి రోజా. చంద్రబాబు అధికారంలో ఉన్నప్పుడు అభివృద్ధి చేయకుండా అప్పులు చేశారని.. విచ్చలవిడిగా డబ్బులు ఖర్చు పెట్టి ఆ నాయకులు ఎంజాయ్ చేశారని విమర్శించారు.
ఈ ప్రభుత్వంలో ఎన్నో సంక్షోభాలు వచ్చినా పేదవాళ్ళ సంక్షేమం కోసం ముఖ్యమంత్రి వైఎస్ జగన్ పని చేస్తున్నారన్నారు మంత్రి. అధికారంలో ఉన్నప్పుడు పోలవరం కట్టకుండా జయము, జయము చంద్రన్న అంటూ భజనలు చేయించుకున్నారని ఎద్దేవా చేశారు. చంద్రబాబు పోలవరాన్ని ఏటీఎంలా వాడుకున్నారన్నారు. కుప్పాన్ని మున్సిపాలిటీ చేసుకోలేని చంద్రబాబు.. ముంపు గ్రామాలను జిల్లాగా చేస్తాననడం విచిత్రంగా ఉందన్నారు.
|
|