మా కార్యక్రమానికి రండి..కేంద్రం నుంచి చంద్రబాబుకు ఆహ్వానం
Andhra Pradesh Telugu | Suryaa Desk | Published : Mon, Aug 01, 2022, 11:58 PM
కేంద్రంలోని మోడీ ప్రభుత్వం అధికారికంగా చేపడుతున్న ఓ కార్యక్రమానికి హాజరుకావాల్సిందిగా టీడీపీ అధినేత నారా చంద్రబాబు నాయుడికి ఆహ్వానం అందింది. భార‌త ప్ర‌ధాన మంత్రి న‌రేంద్ర మోదీ నేతృత్వంలో జ‌ర‌గ‌నున్న ఈ కీలక భేటీకి చంద్రబాబునాయుడుకు ఈ మేరకు ఆహ్వానం అందింది. ఈ ఆహ్వానం మేరకు ఈ నెల 6న చంద్రబాబు ఢిల్లీ ప‌ర్య‌ట‌న‌కు వెళ్ల‌నున్నారు. భార‌త్‌కు స్వాతంత్య్రం వ‌చ్చి 75 ఏళ్లు అవుతున్న నేప‌థ్యంలో ఆజాదీ కా అమృత్ మ‌హోత్స‌వ్ పేరిట కేంద్ర ప్రభుత్వం భారీ ఎత్తున కార్య‌క్ర‌మాల‌ను చేపడుతున్న సంగ‌తి తెలిసిందే.
ఈ ఉత్స‌వాల‌ను వచ్చే ఏడాది వ‌ర‌కు నిర్వ‌హించ‌నున్నారు. ఇందులో భాగంగా ఈ నెల 6న రాష్ట్రప‌తి భ‌వ‌న్‌లోని క‌ల్చ‌ర‌ల్ సెంట‌ర్‌లో ఈ ఉత్స‌వాల‌పై ప్ర‌ధాని నేతృత్వంలో సన్నాహ‌క స‌మావేశం జ‌ర‌గ‌నుంది. ఈ స‌మావేశానికి హాజ‌రు కావాల్సిందిగా చంద్రబాబుకు కేంద్ర ప్రభుత్వం ఆహ్వానం పంపింది. కేంద్రం ఆహ్వానానికి సానుకూలంగా స్పందించిన చంద్రబాబు ఈ స‌మావేశానికి హాజ‌రు కానున్నారు.
|
|