భారీ విమానాశ్రయం నిర్మాణానికి స్టాలిన్ సర్కార్ శ్రీకారం
national | Suryaa Desk | Published : Wed, Aug 03, 2022, 05:03 PM
పాలనలో తనదైన ముద్రవేస్తున్న ముఖ్యమంత్రి స్టాలిన్ తాజాగా మరో కీలక నిర్ణయం తీసుకొన్నారు. చెన్నై మహానగరంలో ఇప్పటికే ఓ అంతర్జాతీయ విమానాశ్రయం ఉండగా, మరో భారీ విమానాశ్రయం నిర్మాణానికి తమిళనాడు ప్రభుత్వం నిర్ణయించింది. దీనిపై సీఎం స్టాలిన్ ప్రకటన చేశారు. డీఎంకే ప్రభుత్వం ఈ ప్రాజెక్టును ప్రతిష్ఠాత్మకంగా తీసుకోనుందని, ప్రస్తుతం డీపీఆర్ రూపొందించే కార్యక్రమాలు కొనసాగుతున్నాయని స్టాలిన్ తెలిపారు. ప్రభుత్వ సంస్థ టిడ్కో చెన్నై సమీపంలోని పరందూర్ లో నూతన విమానాశ్రయం కోసం స్థలాన్ని అన్వేషిస్తోందని వెల్లడించారు.
రూ.20 వేల కోట్ల ఖర్చుతో ఈ ఎయిర్ పోర్టును నిర్మిస్తామని, సాలీనా 10 కోట్ల మంది ప్రయాణించేందుకు వీలుగా ఈ విమానాశ్రయాన్ని తీర్చిదిద్దుతామని సీఎం స్టాలిన్ వివరించారు. దీంట్లో 2 రన్ వేలు, ప్రయాణికుల టెర్మినల్ భవనాలు, కార్గో టెర్మినల్, ట్యాక్సీ వేలు, యాప్రాన్ ఉంటాయని వివరించారు. విమానాల్లో ప్రయాణించే వారి సంఖ్య పెరుగుతుండడం, సరకు రవాణా రంగంలో ఏర్పడిన డిమాండ్ ను దృష్టిలో ఉంచుకుని ఈ కొత్త ఎయిర్ పోర్టు నిర్మాణం చేపడుతున్నట్టు స్పష్టం చేశారు.
|
|