ట్రెండింగ్
స్వర్ణభద్ర కవచధారణ అలంకరణలో భద్రాద్రి రామయ్య
Bhakthi | Suryaa Desk | Published : Fri, Aug 05, 2022, 12:43 PM
భద్రాచలం శ్రీ సీతారామచంద్ర స్వామి వారి దేవస్థానంలో వరలక్ష్మి వ్రతం సందర్భంగా శుక్రవారం రామయ్యకు స్వర్ణభద్ర కవచధారణ అలంకరణ నిర్వహించారు. ఆలయ తలుపులు తెరిచి స్వామి వారికి సుప్రభాతం, ఆరాధన, సేవాకాలం, నివేదన తదితర నిత్యపూజలు నిర్వహించారు. అనంతరం అంతరాలయం నుండి స్వామి వారి ఉత్సవ మూర్తులను మేళ తాళాలు, మంగళవాయిద్యాల నడుమ బేడా మండపానికి తీసుకొచ్చారు.
తదుపరి నిత్యకళ్యాణమూర్తులకు వైష్ణవ సంప్రదాయం ప్రకారం విశ్వక్సేన ఆరాధన, పుణ్యఃవాచనతో నిత్య కళ్యాణం కార్యక్రమాన్ని ప్రారంభించారు. అనంతరం స్వామి వారికి, అమ్మ వారికి కంకణధారణ, జీలకర్ర బెల్లం, కన్యాదానం, మంగళ సూత్రధారణ తదితర కార్యక్రమంను నిర్వహించారు. ఈకార్యక్రమంలో ఆలయ అర్చకులు, ఉద్యోగులు, సిబ్బంది పాల్గొన్నారు.
|
|