ట్రెండింగ్
జమ్మూకశ్మీర్ లో మరోమారు ఉగ్రపంజా...ముగ్గురు సైనికులు మృతి
national | Suryaa Desk | Published : Thu, Aug 11, 2022, 04:00 PM
మరోమారు జమ్మూ కశ్మీర్ లో ఉగ్రవాదులు పంజా విసిరారు. జమ్మూకశ్మీర్ లో భారత సైన్యం లక్ష్యంగా ఉగ్రవాదులు దాడికి తెగబడ్డారు. ఈ ఘటనలో ముగ్గురు సైనికులు మృతి చెందగా, ఇద్దరు ఉగ్రవాదులు కూడా మరణించారు. రాజౌరీ ప్రాంతానికి 25 కిలోమీటర్ల దూరంలో పర్గల్ ఆర్మీ క్యాంపు వద్ద ఈ దాడి జరిగింది. సైనిక శిబిరాన్ని లక్ష్యంగా చేసుకుని ఉగ్రవాదులు ఆత్మాహుతి దాడికి పాల్పడేందుకు యత్నించారు. శిబిరంలోకి ప్రవేశించేందుకు ఉగ్రవాదులు ప్రయత్నించడాన్ని గుర్తించిన భద్రతా బలగాలు వెంటనే స్పందించాయి. ఈ సందర్భంగా ఇరువర్గాల మధ్య కాల్పులు జరిగాయి. ఈ దాడిలో మరో ఐదుగురు సైనికులకు గాయాలయ్యాయి. ప్రస్తుతం అక్కడ మరింతమంది ఉగ్రవాదులు ఉండొచ్చన్న అనుమానంతో భారీ ఎత్తున గాలింపు చేపడుతున్నారు. పర్గల్ ప్రాంతానికి పెద్ద సంఖ్యలో బలగాలను తరలిస్తున్నారు.
|
|