ట్రెండింగ్
సాగర్ తీరాన వైజాగ్ ఆటో ఎక్స్పో
Andhra Pradesh Telugu | Suryaa Desk | Published : Sat, Aug 20, 2022, 04:16 PM
విశాఖ సాగర తీరాన అన్ని బ్రాండ్ల కార్లు బైకులతో వైజాగ్ ఆటో ఎక్స్పో ప్రారంభమైంది. శని, ఆదివారాలు రెండు రోజుల పాటు జరిగే ఈ ఆటో ఎక్స్పోలో అన్ని కంపెనీల కార్లు మోటార్ బైక్ లు ప్రదర్శనలో నిలిచాయి. ఈ ఎక్స్ పోను శనివారం ఉదయం శాసన మండలి సభ్యురాలు వరుదు కల్యాణి ప్రారంభించారు. రేస్ ఎంటర్టైన్మెంట్స్ సంస్థ నేతృత్వంలో జరుగుతున్న ఎక్స్పోలో 16 కంపెనీలు పాల్గొన్నాయి. శ్రావణ మాసం సందర్భంగా కొత్త కార్లు కొనుగోలు చేద్దామనుకునే వారికి ఇది సువర్ణవకాశం అని వరుదు కళ్యాణి అన్నారు.
ఎక్స్చేంజ్ ఆఫర్లు ప్రత్యేక డిస్కౌంట్లతో ఒకే చోట అన్ని కంపెనీల ఉత్పత్తులను ఉంచడం అభినందనీయమని ఆమె పేర్కొన్నారు. ఈ కార్యక్రమంలో రేస్ ఈవెంట్ మేనేజర్ దాడి రవి కుమార్, మిస్ సౌత్ ఇండియా విజేత చరిష్మా, వైజాగ్ జర్నలిస్టుల ఫోరం అధ్యక్షుడు గంట్ల శ్రీనుబాబు తదితరులు పాల్గొన్నారు.
|
|