బండ్ల గణేశ్ నన్నెంతగానో బాధపెట్టాయి
cinema | Suryaa Desk | Published : Fri, Oct 10, 2025, 07:52 PM
నిర్మాత బండ్ల గణేశ్ నోరు విప్పితే అది సంచలనమే అవుతుంది. ఆయన మాటలు తరచూ వివాదాలకు కేంద్ర బిందువుగా నిలుస్తుంటాయి. ఇటీవల 'లిటిల్ హార్ట్స్' సినిమా విజయోత్సవ సభలో ఆయన చేసిన కొన్ని పరోక్ష వ్యాఖ్యలు తెలుగు చిత్ర పరిశ్రమలో పెద్ద దుమారం రేపాయి. ఆ వ్యాఖ్యల వల్ల తాను ఎంతో బాధపడ్డానని, ఆనాటి సంతోషకరమైన వాతావరణం మొత్తం దెబ్బతిందని నిర్మాత బన్నీ వాసు తాజాగా ఓ ఇంటర్వ్యూలో తన ఆవేదన వ్యక్తం చేశారు.విషయంలోకి వెళితే, 'లిటిల్ హార్ట్స్' సక్సెస్ మీట్లో బండ్ల గణేశ్ మాట్లాడుతూ, “ఇండస్ట్రీలో అందరూ మెగాస్టార్ బావమరిదిలా, స్టార్ కమెడియన్ కొడుకులా, ఐకాన్ స్టార్ తండ్రిలా పుట్టలేరు. కొందరికే ఆ అదృష్టం ఉంటుంది. మిగిలిన వాళ్లు ఎంత కష్టపడ్డా చివరికి పేరు మాత్రం వాళ్లకే వెళ్తుంది” అంటూ వ్యాఖ్యానించారు. ఈ మాటలు అగ్ర నిర్మాత అల్లు అరవింద్ను ఉద్దేశించే అన్నారనే చర్చ మొదలైంది. ఆ సమయంలో వేదికపై అల్లు అరవింద్ పక్కనే ఉన్న బన్నీ వాసు... బండ్ల వ్యాఖ్యలకు అసహనానికి గురయ్యారు.వెంటనే మైక్ అందుకున్న బన్నీ వాసు సున్నితంగా బదులిచ్చారు. “అల్లు అరవింద్ గారు స్టార్ కమెడియన్కు పుట్టారనడం కరెక్ట్ కాదు. ఆయన పుట్టిన తర్వాతే అల్లు రామలింగయ్య గారు స్టార్ కమెడియన్ అయ్యారు. ఈ విషయం బహుశా బండ్ల గణేశ్ గారికి తెలిసి ఉండకపోవచ్చు” అని అక్కడికక్కడే స్పష్టత నిచ్చారు.
|
|