ప్రేక్ష‌కులు గెట్ రెడీ!

చిన్న పెద్ద సినిమాలన్నీ ఈ సారి సంక్రాంతిని టార్గెట్ చేసాయి. మహేష్ బాబు సినిమా 'సరిలేరు నీకెవ్వరు', అల్లు అర్జున్-త్రివిక్రమ్‌ల 'అల..వైకుంఠపురములో' ,కళ్యాణ్ రామ్ నటిస్తున్న 'ఎంత మంచివాడవురా'...సినిమాలు 2020 సంక్రాంతికి వస్తున్నాయి. అయితే 'సరిలేరు నీకెవ్వరు' సినిమా మాత్రమే సంక్రాంతికి పక్కా అనే విధంగా ఫాస్ట్ ఫాస్ట్‌గా షూటింగ్ కంప్లీట్ చేసుకుంటుంది. దాంతో అసలు ఏ సినిమా ఎప్పుడు రిలీజ్ అవుతుందో అనే కన్ఫ్యూషన్ ఏర్పడింది. అయితే ఇప్పుడు ఎట్ట్టకేలకు పొంగల్ బరిలో నిలిచే సినిమాలపై క్లారిటీ వచ్చింది. అల్లు అర్జున్ సినిమా 'అల..వైకుంఠపురములో' సినిమాని జనవరి 12న రిలీజ్ చేస్తున్నట్టు ఆ సినిమా యూనిట్ ప్రకటించింది. అల...వైకుంఠపురములో...ఆదివారం రిలీజ్...అంటే షార్ట్ కట్‌లో అ..ఆ అనుకోవచ్చు. ఇక 'శతమానం భవతి' లాంటి నేషనల్ అవార్డు మూవీ రూపొందించిన సతీష్ వేగేశ్న, కళ్యాణ్ రామ్‌తో జతకట్టి తెరకెక్కిస్తున్న 'ఎంతమంచివాడవురా' షూటింగ్ కూడా దగ్గరపడింది. అందుకే ఆ సినిమాని జనవరి 15న రిలీజ్ చెయ్యబోతున్నారు.మహేష్ బాబు హీరోగా నటిస్తున్న 'సరిలేరు నీకెవ్వరు' సినిమా రిలీజ్ డేట్ మాత్రం ఇంకా అఫీషియల్‌గా కన్ఫర్మ్ కాకపోయినా జనవరి 10న ఆ సినిమా రిలీజ్ చెయ్యబోతున్నట్టు తెలుస్తుంది. ఇన్నాళ్లు బాలకృష్ణ-కె.ఎస్.రవికుమార్‌ల సినిమా కూడా సంక్రాంతికి వస్తుంది అని టాక్ వినిపించింది. కానీ ఆ సినిమా సంక్రాంతికి ముందే రిలీజ్ అవుతుంది. బాలయ్యకి సంక్రాంతి సెంటిమెంట్ కాబట్టి ఆ రూమర్ వచ్చినట్టుంది. అయితే గత సంక్రాంతికి తెలుగు సినిమాలతో పోటీ పడుతూ 'పేట' సినిమా రిలీజ్ చేసిన రజినీ కాంత్ ఈ సంక్రాంతికి కూడా మురుగ దాస్ తెరకెక్కిస్తున్న 'దర్బార్'తో ప్రేక్షకులముందుకు రాబోతున్నాడు. ఆ సినిమాకి కూడా రిలీజ్ డేట్ ఫిక్స్ కావాల్సి ఉంది. మొత్తానికి ఈ పెద్ద పండగకి కూడా అదిరిపోయే ఎంటర్టైన్మెంట్ అందించడానికి రెడీ అయిపోతున్నారు హీరోలు.