RC17 సెట్లో టెన్షన్? సుకుమార్ షరతులకు చరణ్ కౌంటర్!

టాలీవుడ్ క్రియేటివ్ డైరెక్టర్ సుకుమార్ ప్రతి సినిమాతో ప్రేక్షకులలో తనకంటూ ఓ ప్రత్యేకమైన ఇమేజ్‌ను ఏర్పరచుకుంటూ వస్తున్నాడు. ఆయన కథలు, స్క్రీన్‌ప్లే ఎంత డీప్‌గా ఉన్నా.. ప్రేక్షకులకు అర్థమయ్యేలా వినూత్నంగా డిజైన్ చేస్తుంటాడు. ప్రతి సినిమా కొత్తదనంతో పాటు, ఒక ప్రత్యేకమైన మెసేజ్‌ను కూడా కలిగిఉంటుంది. మైనర్ డీటెయిల్స్‌పై ఎక్కువ దృష్టిపెడుతూ, కథను విశ్వసనీయంగా చూపించడంలో సుక్కుకు ప్రత్యేకమైన శైలి ఉంది.ఇటీవల "పుష్ప" ఫ్రాంఛైజ్‌తో భారీ విజయాన్ని అందుకున్న సుకుమార్, ఇప్పుడు మరోసారి రామ్‌చరణ్‌తో కలిసి పని చేయడానికి సిద్ధమవుతున్నాడు. ఈ కాంబినేషన్‌కు సంబంధించిన గత సినిమా "రంగస్థలం" ఎలా బ్లాక్‌బస్టర్‌గా నిలిచిందో ప్రత్యేకంగా చెప్పనవసరం లేదు. దీంతో ఈ కొత్త సినిమాపై ప్రేక్షకుల్లో భారీ అంచనాలు నెలకొన్నాయి.ప్రస్తుతం పాన్ ఇండియా స్థాయిలో సుకుమార్‌కి ఉన్న క్రేజ్ మరింతగా పెరిగింది. ఈ నేపథ్యంలో చరణ్‌తో తెరకెక్కించబోయే చిత్రానికి సంబంధించి చాలా జాగ్రత్తగా వ్యవహరిస్తున్నాడట. అందులో భాగంగానే, కథతో సరిపోయేలా చరణ్ కొన్ని ఫిజికల్ కండిషన్స్‌ను పాటించాల్సిందిగా సూచించాడట. ముఖ్యంగా బాడీ వెయిట్ తగ్గించాలన్నది ప్రధానమైనది.అయితే ఈ విషయంలో రామ్‌చరణ్ కొంత వెనుకడుగు వేసినట్టు తెలుస్తోంది. "ఇప్పుడు బరువు తగ్గడం అంటే జిమ్ మానేయాల్సి వస్తుంది కదా.. నావల్ల కాదేమో" అంటూ ఫన్నీగా స్పందించినట్టు సమాచారం. అయితే దీనిపై సుకుమార్ గంభీరంగా స్పందిస్తూ – "రంగస్థలంలో నిన్ను చూపించిన స్థాయిని మించిపోయే క్యారెక్టర్‌కి సిద్ధం చేస్తున్నా. అది సక్సెస్ కావాలంటే నువ్వు ఫిజికల్‌గా కూడా అలా కనిపించాలి. కాబట్టి నేను చెప్పిన విధంగానే చేయాలి" అంటూ కరెక్ట్‌గా చెప్పేశాడట.ఈ మాటలతో చరణ్ కొంత అసహనం వ్యక్తం చేసినట్టుగా టాక్. అయినప్పటికీ, సినిమా కోసం అవసరమైనంత మేరకు సుకుమార్ చెప్పిన సూచనలు పాటించేందుకు ఆయన అంగీకరించినట్టు తెలుస్తోంది.ఇకపోతే, సుకుమార్ పెట్టిన కొన్ని కండిషన్ల విషయంలో ఇద్దరి మధ్య అప్పుడప్పుడు చిన్నచిన్న విభేదాలు తలెత్తుతున్నట్టు టాలీవుడ్ వర్గాల్లో చర్చ సాగుతోంది. అయినా కథ విషయంలో మాత్రం చరణ్ కూడా పూర్తి కాన్ఫిడెన్స్‌తో ఉన్నట్టు తెలుస్తోంది. ఇక రంగస్థలం మాదిరిగానే మరోసారి ఈ కాంబినేషన్ మ్యాజిక్‌ని రిపీట్ చేస్తుందా? లేదంటే కొత్త ప్రయోగం ఎలాంటి ఫలితాన్నివ్వనుంది? అన్నది తేలాల్సి ఉంది.