చిరు ను పొడిచేది బాబేనా?
cinema | Suryaa Desk | Published : Tue, Sep 24, 2019, 04:39 PM
సైరా నరసింహారెడ్డి సినిమా ఇంకో పది రోజుల్లోపే ప్రేక్షకుల ముందుకు వచ్చేస్తోంది. ఈ సినిమా విశేషాల పట్ల అభిమానులు విపరీతమైన ఆసక్తి ప్రదర్శిస్తున్నారు. సినిమాలో ఎవరి పాత్ర ఏంటి.. ఏ పాత్ర ఎలా కథను నడిపిస్తుంది, మలుపు తిప్పుతుంది అనే విశేషాలు సామాజిక మాధ్యమాల్లో విస్తృతంగా కనిపిస్తున్నాయి. ఆదివారం ప్రి రిలీజ్ ఈవెంట్లో లీడ్ క్యారెక్టర్ల విశేషాలతో స్పెషల్ వీడియోలు రిలీజ్ చేశారు. ఈ చిత్రంలో విలక్షణ నటుడు జగపతిబాబు వీరా రెడ్డి అనే పాత్రలో నటిస్తున్నట్లు వెల్లడైంది. ఈ పాత్ర సినిమాలో కీలక మలుపుకు కారణమవుతుందని సమాచారం. క్లైమాక్స్లో ఈ పాత్రకు సంబంధించి పెద్ద ట్విస్టు ఉంటుందట. పాజిటివ్గా కనిపించే నెగెటివ్ రోల్ను జగపతిబాబు చేస్తున్నట్లు చెబుతున్నారు. సైరా తరహా చారిత్రక నేపథ్యం ఉన్న కథల్లో నమ్మకంగా ఉంటూ ద్రోహం చేసే పాత్రలుంటాయి. సైరాలోనూ జగపతిబాబుది అలాంటి పాత్రే అని.. ఉయ్యాలవాడ నరసింహారెడ్డి దగ్గర నమ్మకంగా కనిపిస్తూ బ్రిటిష్ వారికి తెర వెనుక సాయం చేసే పాత్రలో జగపతి కనిపిస్తాడని.. వీరా రెడ్డి వల్లే నరసింహారెడ్డి ప్రాణాలు వదలాల్సిన పరిస్థితి వస్తుందని సమాచారం. ఈ రోజుల్లో ఇలాంటి ట్విస్టులు జనాలకు కొత్తేమీ కాదు కానీ.. సినిమాలో ఈ పాత్రను డిజైన్ చేసిన తీరు, అందులో జగపతిబాబు నటన చాలా ప్రత్యేకంగా ఉంటాయని.. ప్రేక్షకులు ఈ పాత్రతో బాగా థ్రిల్ అవుతారని అంటున్నారు.
|
|