ఓ క్లబ్ లో.. అమ్మాయి ముద్దుపెట్టేసరికి భయమైంది: వరుణ్ తేజ్
cinema | Suryaa Desk | Published : Fri, Sep 27, 2019, 12:33 PM
మంచు లక్ష్మి హోస్ట్ గా 'ఫీట్ అప్ విత్ స్టార్స్' కార్యక్రమం జరుగుతున్న విషయం తెలిసిందే. ఈ కార్యక్రమంలో పాల్గొన్న వరుణ్ తేజ్ కు కొన్ని ప్రశ్నలు వేసింది లక్ష్మి. ఈ సందర్భంగా తొలి ముద్దు ఎప్పుడు ఇచ్చావని మంచు లక్ష్మి ప్రశ్నించగా... తాను పదో తరగతి చదువుతున్నప్పుడే తొలి ముద్దు ఇచ్చానని సమాధానమిచ్చాడు. అయితే, అది తనకు ఒక చెడు జ్ఞాపకమని... దాని గురించి ఏమీ చెప్పలేనని అన్నాడు.
ఫ్యాన్స్ తో మరిచిపోలేని సంఘటన ఏదైనా ఉందా? అనే ప్రశ్నకు బదులుగా... ఒక రోజు స్నేహితులతో కలసి ఓ క్లబ్ కు వెళ్లానని... పార్టీలో డ్యాన్స్ చేస్తుండగా వెనుక నుంచి ఓ అమ్మాయి తనను హత్తుకుందని వరుణ్ తెలిపాడు. తన స్నేహితుల్లో ఎవరో తనను పట్టుకున్నారని తొలుత అనుకున్నానని... అయితే అనుమానం వచ్చి వెనక్కి తిరిగి చూస్తే అమ్మాయి కనిపించిందని చెప్పాడు. ఆ తర్వాత ఆమె తనను ముద్దు పెట్టుకుని, అక్కడి నుంచి వెళ్లిపోయిందని తెలిపాడు. ఆ క్షణంలో తనకు ఎంతో భయం వేసిందని తెలిపాడు. తన జీవితంలో ఇప్పటి వరకు ఎక్కువ ప్రపోజల్స్ రాలేదని చెప్పాడు.
|
|