బరువు తగ్గుతున్న బాలయ్య...!
cinema | Suryaa Desk | Published : Sun, Oct 06, 2019, 06:57 PM
నట సింహం నందమూరి బాలకృష్ణ ప్రస్తుతం కె.ఎస్.రవికుమార్ దర్శకత్వంలో సినిమా చేస్తోన్న విషయం తెలిసిందే. ఈ సినిమాకు ‘రూలర్’ అనే టైటిల్ను పరిశీలిస్తున్నారు. ఈ చిత్రం తరవాత మాస్ డైరెక్టర్ బోయపాటి శ్రీనుతో బాలయ్య సినిమా చేయనున్నారు. ఈ ప్రాజెక్ట్ గురించి ఇప్పటికే అధికారిక ప్రకటన వెలువడింది. మిర్యాల రవీందర్ రెడ్డి నిర్మించనున్న ఈ భారీ చిత్రం 2020 వేసవికి విడుదల చేసేందుకు ప్లాన్ చేస్తున్నారు. అయితే, బోయపాటి సినిమా కోసం బాలయ్య తన బాడీలో చాలా మార్పు తీసుకురాబోతున్నారని సమాచారం. ఇప్పటికే కేఎస్ రవికుమార్ సినిమా కోసం బాలయ్య కాస్త బరువు తగ్గారు. కానీ, బోయపాటి సినిమాకు ఇది సరిపోదట. అందుకే, బాలయ్య ఇంకా బరువు తగ్గుతున్నారని టాక్. మొత్తంగా 25 కేజీలకు పైగా బాలకృష్ణ బరువు తగ్గుతున్నారని అంటున్నారు. దీనికోసం రోజూ ఆయన ఐదు గంటలు జిమ్లో గడుపుతున్నారట. ఉదయం మూడు గంటలు, సాయంత్రం రెండు గంటల పాటు జిమ్లో బాలయ్య కసరత్తులు చేస్తున్నారని ఇండస్ట్రీ వర్గాల టాక్.అంతేకాదు, స్ట్రిక్ట్ డైట్ కూడా ఫాలో అవుతున్నారట. వైట్ రైస్ అస్సలు తినడం లేదని ఆయన సన్నిహితులు చెప్పినట్లు సమాచారం. కేవలం ఫ్యాట్, కార్బోహైడ్రేట్స్ తక్కువగా ఉన్న ఆహార పదార్థాలు మాత్రమే బాలయ్య తీసుకుంటున్నారని తెలుస్తోంది. ఇప్పటికే ఆయన 15 కేజీల వరకు బరువు తగ్గారని, మరో 10 కేజీల బరువు తగ్గుతారని అంటున్నారు. బోయపాటి సినిమాలో సరికొత్త లుక్లో అభిమానులతో పాటు సినీ ప్రేక్షకులకు బాలయ్య షాక్ ఇవ్వనున్నారని టాక్ నడుస్తోంది.
|
|