TECNO Spark 50 5G భారత లాంచ్: మిలిటరీ గేడ్ ప్రొటెక్షన్ + 50MP కెమెరా + 6500mAh!

టెక్నో (TECNO) భారత మార్కెట్లో తన కొత్త 5G స్మార్ట్‌ఫోన్ TECNO Spark 50 5Gను అధికారికంగా లాంచ్ చేసింది. మిడ్‑రేంజ్ సెగ్మెంట్‌ను దృష్టిలో ఉంచుకొని రూపొందించిన ఈ ఫోన్, పెద్ద బ్యాటరీ, బలమైన బిల్డ్, ప్రత్యేక కనెక్టివిటీ ఫీచర్లతో వినియోగదారులను ఆకర్షించేలా ఉంది.ఈ ఫోన్‌లో 6500mAh భారీ బ్యాటరీ ఉంది, ఇది రోజంతా సులభంగా ఉపయోగించడానికి సరిపోతుంది. 45W ఫాస్ట్ ఛార్జింగ్ సపోర్ట్‌తో తక్కువ సమయంలో ఫోన్ పూర్తిగా ఛార్జ్ అవుతుంది. ప్రాసెసింగ్ కోసం ఫోన్‌లో MediaTek Dimensity 6400 చిప్‌సెట్ ఉంది, ఇది మల్టీటాస్కింగ్‌కు అనుకూలంగా పనిచేస్తుంది. మెమొరీ వేరియంట్స్‌గా 4GB మరియు 6GB RAM లభిస్తాయి, అలాగే వర్చువల్ RAM సాయంతో మొత్తం 18GB RAM వరకు పెంచుకోవచ్చు. స్టోరేజ్ 128GBగా ఉంది, అలాగే మైక్రో SD కార్డ్ ద్వారా 2TB వరకు విస్తరించవచ్చు. శబ్దం ఎక్కువగా ఉన్న ప్రదేశాల్లో కూడా నాయిస్ క్యాన్సిలేషన్ ఫీచర్ వల్ల కాల్స్ స్పష్టంగా వినిపిస్తాయి. ఫోన్ Android 16 ఆధారిత HiOS 16 పై పనిచేస్తుంది.డ్యూరబిలిటీ పరంగా, TECNO Spark 50 5G MIL-STD-810H సర్టిఫికేషన్ కలిగిన రగ్గడ్ డిజైన్‌తో వచ్చింది. 1.5 మీటర్ల ఎత్తు నుంచి పడినా పెద్ద నష్టం ఉండదు. అలాగే, IP64 PRO రేటింగ్ కారణంగా నీరు, దుమ్ము నుండి రక్షణ కూడా ఉంది.కనెక్టివిటీ ఫీచర్లలో, సిగ్నల్ బలహీనమైన ప్రాంతాల్లో కూడా ఫోన్ మెరుగ్గా కనెక్ట్ అవుతుంది. UPS 3.0 టెక్నాలజీ వలన UPI వంటి డిజిటల్ పేమెంట్స్ వేగంగా పూర్తి అవుతాయి. 4×4 MIMO సపోర్ట్ తో డౌన్‌లోడ్ స్పీడ్ 82% వరకు పెరుగుతుంది. అలాగే, నెట్‌వర్క్ లేకుండా 1.5 కిలోమీటర్ల దూరంలో ఉన్న ఇతర డివైసులతో కమ్యూనికేషన్ చేయవచ్చు.డిస్‌ప్లే పరంగా, ఫోన్‌లో 6.78 అంగుళాల HD+ డిస్‌ప్లే, 120Hz రిఫ్రెష్ రేట్ ఉంది. కెమెరా సెట్టింగ్స్ 50MP రియర్ కెమెరా మరియు 8MP ఫ్రంట్ కెమెరాగా ఉన్నాయి.
ధరలు: 4GB + 128GB వేరియంట్ ₹16,999, 6GB + 128GB వేరియంట్ ₹18,999. ఫాంటసీ పర్పుల్, మింట్ గ్రీన్, ఇన్క్ బ్లాక్, ఛాంపైన్ గోల్డ్ వంటి రంగుల్లో లభిస్తుంది. ఏప్రిల్ 3 మధ్యాహ్నం 12 గంటల నుంచి ఈ ఫోన్ ఆన్‌లైన్ (అమెజాన్) మరియు ఆఫ్‌లైన్ స్టోర్లలో అమ్మకాలకు అందుబాటులో ఉంటుంది.