మలయాళ సూపర్ స్టార్కి కేరళ హైకోర్టు నోటీసులు
cinema | Suryaa Desk | Published : Tue, Oct 15, 2019, 07:01 PM
సూపర్ స్టార్ మోహన్లాల్ ఏనుగు దంతాలను ఇంట్లో ఉంచుకోవటానికి అధికారులు అనుమతి రద్దు చేయాలని మాజీ అటవీ అధికారి దాఖలు చేసిన పిటీషన్పై మంగళవారం కేరళ హైకోర్టు విచారణ జరిపింది. ప్రధాన న్యాయమూర్తి ఎస్. మణికుమార్ నేతృత్వంలోని ధర్మాసనం ఈ పిటీషన్ని విచారణ కు హాజరైన మోహాన్ లాల్ తరపు న్యాయవాది తన క్లైంట్ ఒక ప్రజాదరణ పొందిన వ్యక్తి కాబట్టి, వార్తలలో నిలవటానికి పిటిషన్లు దాఖలు చేసాడని ఆరోపించారు. అటవీ శాఖ చర్యతీసుకున్న దాదాపు ఏడు సంవత్సరాల తరువాత ఈ చార్జిషీట్ దాఖలు చేయడాన్ని తప్పుపట్టారు. అటవీ శాఖ ఇప్పటికే దంతాల యాజమాన్య ధృవీకరణ పత్రాన్ని తనకు జారీ చేసినందున ఈ కేసుకు ఎటువంటి అర్హత లేదని మోహన్లాల్ తన అఫిడవిట్ లో పేర్కొన్నారు.
అయితే అటవీ, వన్యప్రాణి చట్టం నిబంధనల ప్రకారం, ఏనుగు దంతాలను ఎవరైనా స్వాధీనం చేసుకోవడం సహేతుకం కాదని, సూపర్ స్టార్పై అటవీ శాఖ తమ చార్జిషీట్ను పెరుంబవూర్ సిజెఎం కోర్టులో సెప్టెంబర్ లో కేసు దాఖలు చేసిన విషయాన్ని కోర్టు దృష్టికి తీసుకురావటంతో మోహన్లాల్కి నోటీసులు జారీ చేసింది.
|
|