ఆట ఆలస్యం చేసారని సినిమాహాల్పై పోలీస్ కేసు
cinema | Suryaa Desk | Published : Wed, Oct 16, 2019, 09:02 PM
పది నిమిషాలు ఆలస్యంగా సినిమా ప్రదర్శించినందుకు సినిమా థియేటర్పై పోలీసులు కేసు నమోదు చేసారు. వినేందుకు విచిత్రంగా ఉన్నా ఇది నిజం. అదెక్కడో కాదు మన హైదరాబాద్లోనే జరిగింది. వివరాలలోకి వెళితే హైదరాబాద్ నగరంలోని కేపీహెచ్బీలో ఉన్న మంజీరా సినీ పోలిస్ థియేటర్లో గోపీచంద్ నటించిన చాణక్య చిత్రం 04.40 గంటలకు ప్రారంభం కావాల్సి ఉండగా థియేటర్ యాజమాన్యం పది నిమిషాలు ఆలస్యంగా చిత్రాన్ని ప్రదర్శించింది. పది నిమిషాల పాటు వాణిజ్య ప్రకటనలు ప్రదర్శించడంతో ప్రేక్షకుల సమయాన్ని అనవసరంగా వృధా చేశారని నిబంధనలను సైతం ఉల్లంఘించారని ఆరోపిస్తూ కూకట్ పల్లి పోఈసులకు ఫిర్యాదు చేసాడు. ఈ నెల 8న పోలీసులకు పిర్యాదు అందగా అందుకు సంబంధించి న్యాయసలహా తీసుకుని, కోర్టు నుంచి అనుమతి పొందిన కేపీహెచ్బీ పోలీసులు ధియేటర్ యాజమాన్యంపై కేసు నమోదు చేశారు. ఇదండీ సంగతి
|
|