బెల్లం కొండ బాబుకు 10 కోట్లంట
cinema | Suryaa Desk | Published : Wed, Oct 16, 2019, 09:07 PM
భారీ బడ్జెట్ సినిమాతో స్టార్ వారసుడిగా ఎంట్రీ ఇచ్చిన టాలీవుడ్ యంగ్ హీరో బెల్లంకొండ సాయి శ్రీనివాస్. తొలి సినిమాతోనే హీరోగా మంచి గుర్తింపు తెచ్చుకున్నా సాయి శ్రీనివాస్, కమర్షియల్గా మాత్రం సక్సెస్ సాధించలేకపోయాడు. వరుసగా మాస్, కమర్షియల్ ఎంటర్టైనర్లతో అలరిస్తున్న ఈ యంగ్ హీరో ఇటీవల ప్రయోగాత్మక చిత్రాల మీద దృష్టి పెట్టాడు.తన రెగ్యులర్ స్టైల్ను పక్కన పెట్టి సీత సినిమాతో ప్రేక్షకుల ముందుకు వచ్చిన సాయి శ్రీనివాస్కు భారీ షాక్ తగిలింది. ఈ సినిమా డిజాస్టర్ కావటంతో ఆలోచనలో పడ్డ ఈ యంగ్ హీరో ఓ రీమేక్ సినిమాతో ఫాంలోకి వచ్చాడు. కోలీవుడ్లో సూపర్ హిట్ అయిన రాక్షసన్ సినిమాను తెలుగులో రాక్షసుడు పేరుతో రీమేక్ చేశాడు.తెలుగులో సాయి శ్రీనివాస్కు భారీ బడ్జెట్ స్ట్రయిట్ సినిమాలు ఇవ్వని సక్సెస్ను ఈ సినిమా అందించింది. ఈ సినిమాతో తన కెరీర్లో తొలి కమర్షియల్ హిట్ అందుకున్న బెల్లంకొండ సాయి శ్రీనివాస్ నటుడిగానూ ఆకట్టుకున్నాడు. దీంతో తన రెమ్యూనరేషన్ను ఒక్కసారిగా పెంచేశాడట బెల్లంకొండ సాయి శ్రీనివాస్.ప్రస్తుతం తనను సంప్రదిస్తున్న దర్శక నిర్మాతల నుంచి ఒక్కో సినిమాకు పది కోట్ల రెమ్యూనరేషన్ డిమాండ్ చేస్తున్నాడట. బెల్లంకొండ బాబు ఈ స్థాయిలో డిమాండ్ చేయడానికి మరో కారణం కూడా ఉంది. ఈ యంగ్ హీరో నటించిన సినిమాల హిందీ డబ్బింగ్ వర్షన్లకు మంచి డిమాండ్ ఉంది.బెల్లంకొండ సాయి శ్రీనివాస్ నటించిన సినిమాల హిందీ డబ్బింగ్ వర్షన్లు యూట్యూబ్లో భారీగా వ్యూస్ సాధిస్తున్నాయి. ఇక్కడ థియేట్రికల్ రన్లో ఫ్లాప్ అయిన సినిమాలు కూడా యూ ట్యూబ్లో 100 మిలియన్ల వ్యూస్ సాధించి సత్తా చాటాయి. దీంతో బెల్లంకొండ సాయి శ్రీనివాస్ సినిమాలకు ప్రీ రిలీజ్ బిజినెస్ భారీ స్థాయిలో జరుగుతోంది. ఈ లెక్కలు వేసుకున్న ఈ యంగ్ హీరో తనతో సినిమా చేయలంటే 10 కోట్ల రెమ్యూనరేషన్ ఇవ్వాల్సిందే అని డిమాండ్ చేస్తున్నాడట.?
|
|