వెబ్ సిరీస్లో నటించనున్న హన్సిక...!
cinema | Suryaa Desk | Published : Thu, Oct 17, 2019, 04:05 PM
ఈమద్య కాలంలో వెబ్ సిరీస్ ల జోరు మామూలుగా లేదు. ఒకటి సక్సెస్ అయితే వాటికి సీక్వెల్స్ అంటూ వరుసగా వస్తున్నాయి. మొన్నటి వరకు ఇతర దేశాలకే పరిమితం అయిన వెబ్ సిరీస్ లు గత కొంత కాలంగా ఇండియాలో కూడా ఎక్కువ అవుతున్నాయి. వెబ్ సిరీస్ లను కూడా సినిమాల స్థాయిలో తెరకెక్కిస్తున్నారు. ఇప్పుడు కథానాయికలంతా సినిమాల కన్నా వెబ్ సిరీస్లకు ఎక్కువ ప్రాధాన్యత ఇస్తున్నారు. అలాంటి అవకాశం వస్తే ఏ మాత్రం వెనకాడకుండా నటిస్తున్నారు. మీనా, రమ్యకృష్ణ, ప్రియమణి, సమంత, అంజలి, అమలాపాల్.. తదితరులంతా వెబ్ సిరీస్లో నటిస్తున్నవారే. ఇప్పుడు వీరి జాబితాలో హన్సిక కూడా చేరింది.దేశముదురు సినిమాతో తెలుగు తెరకు పరిచయమై ఆ సినిమా హిట్ అవ్వడంతో ఆ తర్వాత అటు తెలుగు, తమిళ్ లో వరుసగా సినిమాలు చేసి టాప్ హీరోయిన్ రేంజ్ కి ఎదిగింది హన్సిక. అయితే కొత్త కొత్త హీరోయిన్లు వస్తున్న నేపథ్యంలో అందరి హీరోయిన్లు లాగానే ఈ అమ్మడి జోరు కూడా తగ్గింది. ప్రస్తుతం తెలుగులో సందీప్ కిషన్ కు జోడిగా 'తెనాలి రామకృష్ణ బిఏబిఎల్' సినిమాలో నటిస్తున్న సంగతి తెలిసిందే. ఈ సినిమా త్వరలో రిలీజ్ కానుంది.ఇక ఇదిలా ఉండగా హన్సిక ఇప్పుడు డిజిటల్ ప్రపంచంలోకి కూడా అడుగుపెట్టనున్నట్టు తెలుస్తుంది. పిల్ల జమిందార్, భాగమతి సినిమాలతో మంచి గుర్తింపు తెచ్చుకున్న అశోక్ ఈ వెబ్ సిరీస్ ను తెరకెక్కించనున్నారు. ఈ వెబ్ సిరీస్ లో హన్సిక ప్రధాన పాత్రలో నటించనున్నట్టు తెలుస్తుంది. ఈ వెబ్ సిరీస్ లో హన్సిక అటు గ్లామర్ తో పాటు పెర్ఫామెన్స్ తో ఆకట్టుకోనుందట.
|
|