నా కన్నా తారక్, బన్నీలైతే దీనికి బెటర్
cinema | Suryaa Desk | Published : Sun, Oct 27, 2019, 12:42 AM
ఎంచుకునే కథల నుంచి చేసే ప్రమోషన్స్ వరకు విజయ్ దేవరకొండ ప్రేక్షకులను ఆకట్టుకోవటంలో దిట్ట. అందుకే ఉత్తరాదిన కూడా ఎంతో క్రేజ్ సంపాదించుకున్నాడు. తాజాగా నిర్మాతగా కొత్త ప్రయాణాన్ని మొదలు పెట్టిన విజయ్ ‘మీకు మాత్రమే చెప్తా’ చిత్రం చేస్తున్నాడు. ప్రముఖ దర్శకుడు, నటుడు తరుణ్ భాస్కర్ ప్రధాన పాత్రలో నటిస్తున్నారు. ఆయనతో పాటు అభినవ్ గోమతం, అనసూయ భరద్వాజ్ కీలక పాత్రలు పోషిస్తున్నారు. షమీర్ సుల్తాన్ సినిమాకు దర్శకత్వం వహిస్తున్నారు. ఈ రొమాంటిక్ కామెడీ ఎంటర్టైనర్ నవంబర్ 1న ప్రేక్షకుల ముందుకు రానుంది.
ఈ సినిమాకు సంబంధించిన ‘నువ్వే హీరో’ అనే ప్రమోషనల్ వీడియోను విడుదల చేశారు. ఈ వీడియో సాంగ్కు సంబంధించిన వివరాలందిస్తూ...డ్యాన్స్ సరిగ్గా రావాలని కొరియోగ్రాఫర్ చాలా కష్టపడ్డాడట. ఇంతటి కష్టమైన స్టెప్పులు తన వల్ల కావని, తారక్ , అల్లు అర్జున్ అయితే ఇరగదీసుండేవారని చెప్పాడు. ఈ వీడియో మొత్తాన్ని ఓ రైల్వే స్టేషన్లో షూట్ చేయగా, విజయ్ వేసుకున్న దుస్తులు కూడా చాలా కొత్తగా ఉన్నాయి.
|
|