నాగబాబు బర్త్ డే స్పెషల్ స్టోరీ....

నాగబాబు.. నటుడిగా, నిర్మాతగా.. అంతకుమించి మెగాస్టార్ చిరంజీవి తమ్ముడిగా.. పవన్ కళ్యాణ్ అన్నగా, ‘జబర్దస్త్’ కామెడీషో జడ్జిగా ఎంతోమందికి చేరువయ్యారు.ఈ రోజు నాగబాబు 58వ ఏట అడుగుపెట్డాడు. ఇక నటుడిగా నాగబాబు విషయానికొస్తే... చిరంజీవి హీరోగా ఏ. కోదండరామిరెడ్డి దర్శకత్వంలో తెరకెక్కిన ‘రాక్షసుడు’ సినిమాతో నటుడిగా తెరంగేట్రం చేసాడు. ఆ తర్వాత పలు సినిమాల్లో హీరోగా నటించినా.. లక్ కలిసిరాదు. ఆ తర్వాత అన్నయ్య చిరంజీవి అండదండలతో తల్లి అంజనా దేవి పేరు మీద అంజనా ప్రొడక్షన్స్ స్థాపించి..మొదటి సినిమాగా ‘రుద్రవీణ’ సినిమాను తెరకెక్కించాడు. కే.బాలచందర్ దర్శకత్వంలో తెరకెక్కిన ఈ సినిమాకు మంచి పేరు వచ్చినా.. కమర్షియల్‌గా విజయవంతం కాలేదు. ఆ తర్వాత ‘త్రినేత్రుడు, ముగ్గురు మొనగాళ్లు, బావగారు..బాగున్నారా’ వంటి సినిమాలు తెరకెక్కాయి.ఇందులో బావగారు బాగున్నారా మాత్రం కాస్తా పర్వాలేదనిపించింది. మరోవైపు తమ్ముడు పవన్ కళ్యాణ్‌తో చేసిన ‘గుడుంబా శంకర్’, రామ్ చరణ్‌తో చేసిన ‘ఆరెంజ్’ సినిమాలు కూడా నిర్మాతగా నాగబాబును కోలుకోలేని విధంగా దెబ్బతీసాయి. ఇంట్లో మెగా హిట్టు ఇచ్చే హీరోలు ఉన్న వారితో హిట్ సినిమాలు నిర్మించలేకపోవడం నాగబాబు దురదృష్టమనే చెప్పాలి. ఈ దెబ్బలతో నాగబాబు సినిమా నిర్మాణానికి దూరంగా ఉన్నాడు. రీసెంట్‌గా అల్లు అర్జున్ హీరోగా నటించిన ‘నా పేరు సూర్య నా ఇల్లు ఇండియా’కు సమర్పకుడిగా వ్యవహరించిన అది కూడా బాక్సాఫీస్ దగ్గర చతికిలబడింది. నిర్మాతగా సక్సెస్ కాలేకపోవడంతో  అన్నయ్య చిరంజీవితో పాటు వేరే హీరోల సినిమాల్లో క్యారెక్టర్ ఆర్టిస్ట్‌గా నటిస్తున్నాడు. ఏ విషయంలో నైనా తనకు అన్న చిరంజీవి స్ఫూర్తి అని చెబుతుంటారు నాగబాబు. అంతేకాదు 2009లో అన్నయ్య ప్రజారాజ్యం పార్టీలో క్రియా శీలకంగా వ్యవహరించిన నాగబాబు.. 2019లో తమ్ముడు జనసేన తరుపున యాక్టివ్‌గా ఉండటమే కాకుండా.. నర్సాపురం పార్లమెంట్ స్థానం నుంచి పోటీ చేసి ఓడిపోయారు. ఎన్నికల్లో ఓడిపోయాక.. తిరిగి తన లోక్‌సభ నియోజకవర్గంలో ప్రజలతో మమేకయ్యే పనిలో పడ్డాడు. ప్రస్తుతం ఈటీవీలో ప్రసారమయ్యే ‘జబర్ధస్త్’ కామెడీ షో జడ్జ్‌గా తెలుగు ప్రేక్షకులు మదిలో కొలువైయ్యాడు. జబర్తస్త్ పార్టిసిపెంట్స్ చేసే స్కిట్స్‌కు నాగబాబు నవ్వులు అదనపు అట్రాక్షన్ అనే చెప్పాలి. ఇక నాగబాబు కొడుకు వరుణ్ తేజ్ కూడా హీరోగా రాణిస్తున్నాడు. కూతరు నిహారిక కూడా తన కంటూ స్పెషల్ ఇమేజ్ క్రియేట్ చేసుకుంది. స్తుతం నాగబాబు.. సినిమాలు టీవీ షోలతో పాటు వెబ్ సిరీస్‌లపై దృష్టి సారించాడు. అందుకోసం రీసెంట్‌గా బరువుగా కూడా తగ్గాడు.ఏమైనా మెగా బ్రదర్ తమ్ముడనే ట్యాగ్ నాగబాబు‌కు గుర్తింపు తెచ్చినా.. అదే ఆయన పాలిట శాపంలా మారిందనే చెప్పాలి.