తొలి ప్రేమ టీజర్ విడుదల
cinema | Suryaa Desk | Published : Wed, Dec 20, 2017, 10:37 AM
పవన్ కళ్యాణ్, కరుణాకరన్ కాంబినేషన్లో తెరకెక్కిన అందమైన ప్రేమ కథా చిత్రం తొలి ప్రేమ. అప్పట్లో ఈ చిత్రం సంచలనాలు సృష్టించింది. ఇప్పుడు ఇదే టైటిల్తో నాగబాబు తనయుడు వరుణ్ తేజ్ ఓ సినిమా చేస్తున్నాడు. వెంకీ అట్లూరి దర్శకత్వంలో ఈ చిత్రం రూపొందుతుండగా, ఫిబ్రవరి 9న సినిమా రిలీజ్ చేయనున్నారు. ఇప్పటికే చిత్ర షూటింగ్ పూర్తి కావడంతో పోస్ట్ ప్రొడక్షన్స్ లో వేగం పెంచారు. ఇక తాజాగా చిత్ర టీజర్ని విడుదల చేసింది చిత్ర యూనిట్. మన జీవితంలోకి ఎంత మంది అమ్మాయిలు వచ్చిన ఫస్ట్ ప్రేమించిన అమ్మాయిని ఎన్నటికి మరచిపోలేం అనే డైలాగ్ మాత్రమే టీజర్లో ఉంది. ఇక వరుణ్ తేజ్ ఈ చిత్రంలో డిఫరెంట్ లుక్తో కనిపిస్తాడని టీజర్తో కన్ఫాం అయింది. ఇప్పటి వరకు రెండు పోస్టర్స్, టీజర్ విడుదల చేసిన చిత్ర యూనిట్ ఏ ఒక్క దాంట్లో కూడా హీరోయిన్ రాశీ ఖన్నాని చూపించకపోవడం గమనర్హం. శ్రీ వెంకటేశ్వర సినీ చిత్ర బ్యానర్ పై బివియస్ ఎన్ ప్రసాద్ నిర్మిస్తున్న ఈ చిత్రానికి ఎస్ఎస్ థమన్ సంగీతం అందిస్తున్నాడు.
|
|