చీటింగ్ కేసులో ఎవడ్రా హీరో అరెస్ట్
cinema | Suryaa Desk | Published : Mon, Dec 16, 2019, 01:53 AM
ఎవడ్రా చిత్రంలో కథానాయకుడు నటించిన బషీద్ను పోలీసులు ఆదివారం నాడు అరెస్ట్ చేశారు. ఇందుకు సంబంధించి హైదరాబాద్ వెస్ట్ జోన్ టాస్క్ ఫోర్స్ పోలీసులు అందించిన వివరాలు ఇలా ఉన్నాయి. దుబాయ్ ఎంబసి ఇచ్చిన ఫిర్యాదు మేరకు బషీద్పై వెస్ట్జోన్ పోలీసులు కేసు నమోదు చేసి దర్యాప్తు ప్రారంభించారు. ప్రభుత్వ, ప్రైవేటు బ్యాంకుల నుంచి రుణాల పేరుతో డబ్బు వసూలు చేసినట్టు అతడిపై ఆరోపణలు రావడంతో పోలీసులు విచారణ చేపట్టారు. ఈక్రమంలో ప్రైవేటు, ప్రభుత్వ బ్యాంకుల నుంచి రుణాలు ఇప్పిస్తానంటూ బషీద్ ఒక్కొక్కరి వద్ద రూ.30 లక్షల నుంచి కోటి రూపాయల వరకు వసూలు చేసినట్టు విచారణలో వెలుగుచూసింది.
తెలుగు, తమిళం, కన్నడ భాషల్లో పలు సినిమాలకు నిర్మాతగా వ్యవహరించిన బషీద్, తెలుగులో నటుడిగా అల్లరే అల్లరి, మెంటల్ పోలీస్, నోటుకు పోటు సినిమాలు చేసాడు. చిత్రపరిశ్రమలో తరచూ వివాదాల్లో నిలిచే బషీద్ బ్యాంక్ రుణాల పేరిట దాదాపు 50 మందిని మోసం చేసి అరెస్ట్ కావడం తెలుగు చిత్రపరిశ్రమలో సంచలనం రేపుతోంది.
కాగా గతంలో భవన నిర్మాణ కార్మికులకు రుణాలు ఇప్పిస్తానంటూ అమాయకులను మోసం చేసిన నటుడు బషీద్ ను తొలుత గుంటూరు టాస్క్ ఫోర్స్ పోలీసులు అరెస్టు చేసినట్టు సమాచారం. ఆ కేసు నడుస్తుండగనే...దుబాయ్లోని ఎస్బికె గ్రూప్స్ పేరుతో బషీద్ నకిలీ వ్యాపారం చేస్తూ, రుణాలు ఇప్పిస్తానని, ప్రాసెసింగ్ రుసుము పేరుతో రూ.లక్షల్లో వసూలుకు పాల్పడటంతో బాధితుల ఫిర్యాదు మేరకు కేసు నమోదు చేసి పై విచారణ చేపట్టిన వెస్ట్జోన్ టాస్క్ఫోర్స్ పోలీసులు బషీద్ను అరెస్ట్ చేసి రిమాండ్కు తరలించారు.అరెస్టు చేశారు.
|
|