అవసరం వస్తే ఏదైనా చేస్తా
cinema | Suryaa Desk | Published : Wed, Jan 22, 2020, 08:53 PM
ప్రేక్షకులను ఆశ్చర్యపరిచిన నాయికలు ఎక్కువకాలం గుర్తుండిపోతారు. అనేక అంశాలతో ఇలా ఆశ్చర్యపర్చవచ్చు. నటన, డాన్సులు, పాటలు పాడటం ఇవన్నీ తారలకు ప్రత్యేక పేరు తీసుకొస్తాయి. ఇన్నాళ్లూ నటిగానే నచ్చిన రశ్మిక మండన్న…సరిలేరు నీకెవ్వరు చిత్రంలో డాన్సులతో అదరగొట్టింది. రశ్మికకు ఇంత బాగా డాన్స్ వచ్చా అని ప్రేక్షకులు, పరిశ్రమ ఆశ్చర్యపోయేలా చేసింది. ముఖ్యంగా మైండ్ బ్లాక్ మాస్ పాటలో ఈ కన్నడ భామ వేసిన స్టెప్పులు అమోఘం. వివరంగా రశ్మిక మాటల్లో వింటే.. నాకు డాన్సులు రావు అనుకుంటారు అంతా. కానీ ఒక పరిస్థితి వస్తే ఏదైనా చేయగలను. నేను మైండ్ బ్లాక్ పాటలో డాన్స్ చేస్తుంటే, అక్కడున్న వాళ్లు మీకు డాన్స్ ఇంత బాగా వచ్చా అని ఆశ్చర్యపోయారు. నేను చెప్పా అవసరం వస్తే ఏదైనా చేస్తా అని. డియర్ కామ్రేడ్, సరిలేరు నీకెవ్వరు నాకు రెండు భిన్నమైన చిత్రాలు. ప్రస్తుతం నటిగా తొలి దశలో ఉన్నాను కాబట్టి ప్రయోగాలు చేస్తున్నాను. ఎలాంటి పాత్రలో నటించడం సులువంటే చెప్పలేను. నేను ఏం చేయగలనో తెలుసుకుంటున్నాను. త్వరలో నా సినిమా భీశ్మ విడుదలవుతోంది. నా కెరీర్ మొదటి నుంచి వరుసగా నా సినిమాలు విడుదలవడం, మిగతా ఏడాదంతా చిత్రీకరణల్లో ఉండటం జరుగుతోంది. అని చెప్పింది. ప్రస్తుతం అల్లు అర్జున్తో కలిసి సుకుమార్ దర్శకత్వంలో సినిమా చేస్తోంది రశ్మిక.
|
|