అలాంటి పాత్రల్లో నటించను : క్యాథరిన్ త్రెసా

ఈ మద్య టాలీవుడ్ లో అప్ కమింగ్ హీరోయిన్ల జోరు బాగా పెరిగిపోయింది.  ఇప్పటికే రకూల్ కుర్రహీరోల సరసన నటిస్తూ ఫుల్ బిజీగా ఉంది..మళియాళ బ్యూటీలు కీర్తి సురేష్, సాయి పల్లవి కూడా జోరు కొనసాగిస్తున్నారు.   ఇక మెహ్రిన్ మంచి విజయాలు సాధిస్తూ..తెలుగు, తమిళ ఇండస్ట్రీలో నటిస్తుంది.  టాలీవుడ్‌లో అందంతోపాటు అభినయంతో ఆకట్టుకొనే గ్లామర్ హీరోయిన్లలో క్యాథరిన్ త్రెసా ఒకరు.

చమ్మక్ చలో చిత్రంతో టాలీవుడ్‌లోకి ప్రవేశించి నానితో పైసా, అల్లు అర్జున్‌తో ఇద్దరు అమ్మాయిలతో, రుద్రమదేవి, సరైనోడు చిత్రాల్లో నటించింది.  అయితే తెలుగు, తమిళ ఇండస్ట్రీలో నటిస్తున్న క్యాథరిన్ త్రెసా సరైన బ్రేక్ మాత్రం రావడం లేదు.  గ్లామర్ పాత్రలు చేస్తూ..అందాలు విరివిగా చూపిస్తున్నా ఆశించిన ఫలితం మాత్రం రావడం లేదు. ఆ మద్య జై జానకీ నాయక చిత్రంలో ఐటమ్ సాంగ్ లో రెచ్చిపోయి మరీ డ్యాన్స్ చేసింది.  ఓ కార్యక్రమంలో మీడియాతో మాట్లాడిన ఆ అమ్మడు   ప్రభాస్‌కు అక్కగా నటించాల్సి వస్తే ఒప్పుకొను. పవన్ కల్యాణ్ వదినగా చేయాల్సి వస్తే తిరస్కరిస్తా అంటుంది. సాధారణంగా కథ, పాత్ర మంచిగా ఉంటే నేను ఎవరి పక్కనైనా లవర్‌గా నటించడానికి ఒప్పుకొంటానంటుంది.

తాను క్యారెక్టర్ పాత్రలు చేసేంత వయసు తనకింకా రాలేదని చెప్పుకొచ్చింది. ప్రస్తుతం 'కలగలప్పు-2', 'కథానాయగన్‌' చిత్రాల్లో నటిస్తున్న ఈ సుందరి, 'కలగలప్పు-2'లో తన అందాలను ఆరబోసిందన్న ప్రచారం జరుగుతుంది.  అయితే పెళ్లెపుడు చేసుకుంటారన్న ప్రశ్నకు  తనకు సరైనోడు ఇంకా దొరకలేదని, అన్ని విధాలుగా తనకు నచ్చిన వ్యక్తి దొరికితే పెళ్లి గురించి ఆలోచిస్తానని వెల్లడించింది.