రాహుల్ సిప్లిగంజ్‌ పై ఫైర్ అవుతున్ననెటిజన్స్...

బిగ్ బాస్-3 విన్నర్, సింగర్ రాహుల్ సిప్లిగంజ్‌పై దాడి జరిగిన సంగతి తెలిసిందే. బీర్ బాటిల్స్‌తో విచక్షణా రహితంగా రాహుల్‌పై కొందరు యువకులు దాడికి పాల్పడ్డారు. గచ్చిబౌలిలోని ఓ ప్రైవేట్ హాస్పిటల్‌లో ట్రీట్‌మెంట్ తీసుకుని డిశ్చార్జ్ అయిన రాహుల్ తనపై జరిగిన దాడికి సంబంధించి పోలీసులకు ఫిర్యాదు చేసాడు.. అందులో టీఆర్ఎస్ పార్టీ ఎమ్మెల్యే రోహిత్ రెడ్డి తమ్ముడు రితేష్ రెడ్డి ఉన్నాడని రాహుల్ చెప్పాడు. వాళ్లు కావాలని తనపై దాడి చేసారని.. పబ్‌లో జరిగిన గొడవలో తన తప్పేం లేదని చెప్పాడు ఈ సింగర్. మీడియా ముందుకు వచ్చి కూడా ఈయన తన గోడు వెల్లబోసుకున్నాడు. పొలిటికల్ బ్యాగ్రౌండ్ ఉందని తనపై కావాలనే దురసుగా ప్రవర్తించారని.. అలా అయితే ప్రజాస్వామ్యం ఎక్కడుందని ప్రశ్నించాడు ఈయన. ఈ గొడవపై ఇప్పుడు ట్విట్టర్‌లో కూడా పోస్ట్ చేసాడు రాహుల్. ఈ సారి ఏకంగా అక్కడ జరిగిన గొడవకు సంబంధించిన సిసిటీవీ ఫుటేజ్ ట్వీట్ చేసాడు.

అందులో అక్కడ ఏం జరిగిందో చూపించే ప్రయత్నం చేసాడు ఈయన. కేటీఆర్ గారూ నాకు న్యాయం కావాలి.. నేను టీఆర్ఎస్ పార్టీకే ఓటేసాను.. ఈ పార్టీ కోసమే నిలబడ్డాను.. బతికున్నంత వరకు కూడా ఈ నేల కోసమే పోరాడతాను అంటూ ట్వీట్ చేసాడు. తనకు న్యాయం జరగాలని.. అది మీరే చేయాలని కోరాడు ఈయన. పోలీస్ కంప్లైంట్ ఇచ్చిన మరుసటి రోజే మళ్లీ ట్విట్టర్‌లో కేటీఆర్‌ను న్యాయం చేయమని కోరాడంటే దాని అర్థం ఏంటి.. పోలీసులు కూడా కేసును తారుమారు చేస్తున్నారని రాహుల్ చెబుతున్నాడా..? లేదంటే అవతలి వాళ్లు తమ పాపులారిటీ వాడుకుని బయట పడుతున్నారని ఇన్‌డైరెక్టుగా రాహుల్ సూచిస్తున్నాడా అర్థం

కావడం లేదు.

రాహుల్ ఇచ్చిన కంప్లైంట్.. ఆయన న్యాయం కావాలని కోరడం ఎవరికీ తప్పు అనిపించడం లేదు కానీ ఇప్పుడు రాహుల్ తీరుపై మాత్రం సర్వత్రా విమర్శలు వస్తున్నాయి. కేటీఆర్‌ను డైరెక్టుగా న్యాయం చేయమని కోరడం మంచిదే కానీ దానికి చెప్పిన కారణాలు మాత్రం చెత్తగా ఉన్నాయంటున్నారు నెటిజన్లు. తెలంగాణ కోసమే ఉంటాను.. టిఆర్ఎస్ పార్టీ నేను అని అడగడం ఏంటి.. నేను ఈ దేశ పౌరున్ని. కాబట్టి నాకు న్యాయం చేయండి అని ఏడువ్.. అంతేకానీ మీ పార్టీ వాన్ని.. నాకు న్యాయం చేయండి అని అడగడం ఏంటి.. బాధ్యత లేదా అంటూ నెటిజన్స్ రాహుల్ సిప్లిగంజ్‌పై ఫైర్ అవుతున్నారు. అది కూడా నిజమే.. పౌరుడు కాబట్టి న్యాయం అడగడంలో తప్పు లేదు కానీ పార్టీ వాన్ని కాబట్టి చేయమని అడగడం ఎంతవరకు కరెక్ట్ అంటున్నారు విశ్లేషకులు కూడా.