ఆహ కోసం అల్లు అర్జున్ ?
cinema | Suryaa Desk | Published : Wed, Mar 11, 2020, 04:07 PM
అల్లు అరవింద్ 'ఆహ' అనే ఓటీటీ యాప్ ను ఇప్పటికే ప్రారంభించారు. ఈ యాప్ కి క్రేజీ యువ హీరో విజయ్ దేవరకొండతో ప్రమోషన్స్ కూడా చేయించారు. అయితే ఈ యాప్ కు ఆశించినంత స్పందన దక్కలేదని అంటున్నారు. దీంతో మరోసారి ఈ యాప్ ను మరోసారి లాంచ్ చేయబోతున్నారట. ఈ రీ-లాంచ్ ను స్టైలిష్ స్టార్ చేత చేయించాలని భావిస్తున్నారట. అయితే దీనిపై ఇంకా అధికారిక ధృవీకరణ రావాల్సి ఉంది.అంతే కాకుండా అల్లు అర్జున్ తో ఒక యాడ్ ఫిలిం కూడా షూట్ చేయించాలని ప్లాన్ చేస్తున్నారట. ఈ యాప్ ఫ్రీ కాకపోవడం.. కంటెంట్ కూడా పెద్దగా ఆసక్తికరంగా లేక పోవడంతో స్పందన తక్కువగా ఉందనే అభిప్రాయాలు వినిపిస్తున్నాయి. యాప్ ప్రమోషన్స్ విషయంలో అర్బన్ ఆడియన్స్ మీదే దృష్టి ఎక్కువగా పెట్టడం.. ట్వీట్ ప్రమోషన్స్ సరిపోతాయనే ఆలోచనలో ఉండడం కూడా 'ఆహ' కు ఆదరణ దక్కక పోవడానికి కారణాలని అంటున్నారు. ఇక కంటెంట్ విషయం లో వచ్చిన ఫీడ్ బ్యాక్ ను 'ఆహ' ఓనర్లు గ్రహించారనే సంకేతాలు వెలువడుతున్నాయి. గీతా ఆర్ట్స్ కాంపౌండ్ లో ఇప్పటికే ఎడ్వాన్సులు తీసుకున్న డైరెక్టర్లతో సినిమాల స్థానంలో వెబ్ సీరీస్ లు ప్లాన్ చేయాలని వాటిని ఆహ లో స్ట్రీమింగ్ కు అందుబాటు లో ఉంచాలని ప్లాన్ చేస్తున్నారట.
|
|