మెగాస్టార్ మీద అభిమానం తో చేశాను... ఐటెమ్ అంటే ఒప్పుకోను: హీరోయిన్ రెజీనా
cinema | Suryaa Desk | Published : Thu, Mar 12, 2020, 06:22 PM
మెగాస్టార్ చిరంజీవి నటిస్తున్న చిత్రం ‘ఆచార్య’. కొరటాల శివ దర్శకత్వం వహిస్తున్నారు. షూటింగ్ రామోజీ ఫిలిం సిటీలో వేగంగా జరుగుతోంది.తెలుగులో స్టార్ హీరోయిన్స్ గా వెలుగొందుతున్నవారు, అవసరమైతే ఐటెమ్ సాంగ్స్ చేయడానికి కూడా వెనుకాడటం లేదు. అయితే అందుకోసం భారీ పారితోషికమే తీసుకుంటున్నారు. ఈ నేపథ్యంలో చిరంజీవి తాజా చిత్రమైన 'ఆచార్య'లో రెజీనా ఒక ఐటెమ్ సాంగు చేసింది. ఇటీవలే ఆ ప్రత్యేక గీతాన్ని చిత్రీకరించారు.ఆ విషయాన్ని గురించి రెజీనా స్పందిస్తూ .. "చిరంజీవిగారి సరసన ఒకపాటలో సందడి చేసే ఛాన్స్ అనేసరికి రెండో ఆలోచన లేకుండా ఒప్పేసుకున్నాను. ఆయన సరసన డాన్స్ చేయాలనే నా ముచ్చటను తీర్చుకున్నాను. అంత మాత్రానికే నన్ను ఐటెమ్ అంటే ఒప్పుకోను. ఈ సాంగును ఐటెమ్ అనొద్దు .. స్పెషల్ సాంగ్ అంటేనే నాకు బాగుంటుంది. ఈ పాటను రాత్రి వేళల్లో ఆరు రోజుల పాటు చిత్రీకరించారు. చిరంజీవి గారు నా డాన్స్ ను అభినందించడం నాకు ఎంతో ఆనందాన్ని కలిగించింది. ఆ పాట చిత్రీకరణను నా జీవితంలో అందమైన క్షణాలుగా భావిస్తాను" అని చెప్పుకొచ్చింది.
|
|