అవకాశం కోసం వస్తే ఆ నిర్మాత పడకగదికి రమ్మన్నాడు.. హీరోయిన్ సంచలన వ్యాఖ్యలు...

విజయ్ దేవరకొండ నిర్మాతగా మారి 'పెళ్లి చూపులు' మూవీ దర్శకుడు తరుణ్ భాస్కర్‌ను హీరోగా పరిచయం చేసిన సినిమా 'మీకు మాత్రమే చెప్తా'. ఈ సినిమాను నూతన దర్శకుడు సమీర్ దర్శకత్వం వహించాడు. అనసూయ ఓ కీలకపాత్రలో నటించగా తరుణ్ భాస్కర్ సరసన తమిళ టెలివిజన్ సంచలనం నటి వాణి బోజన్‌ హీరోయిన్‌గా నటించింది. కాగా ఈ భామ తాజాగా సినీ ఇండస్ట్రీలో క్యాస్టింగ్ కౌచ్ గురించి మాట్లాడుతూ సంచలన వ్యాఖ్యలు చేసింది. ఓ ఇంటర్వ్యూలో నటి వాణి బోజన్‌ మాట్లాడుతూ బుల్లి తెర నుంచి సినీ పరిశ్రమకు వస్తోన్న సమయంలో ఆమె ఎదుర్కొన్న అనుభవాలను బయటపెట్టింది. తాను కూడా సినీ పరిశ్రమలో చేదు అనుభవాలు ఎదుర్కొన్నానని ఈ సందర్భంగా ఆమె తెలుపుతూ.. సినిమా అవకాశం కావాలంటే ఓ నిర్మాత తనను పడక గదికి రమ్మన్నాడని పేర్కోంది. దీంతో తనకు అలాంటి అవకాశం వద్దని చెప్పినట్లు తెలిపింది. కాగా ప్రస్తుతం ఈ అంశం తమిళ ఇండస్ట్రీలో చర్చనీయాంశంగా మారింది. ఆమె నటించిన తొలి సినిమా 'ఓ మై కడవులే' సూపర్‌హిట్‌ అయింది. ప్రస్తుతం వాణీ పలు సినిమాల్లో నటిస్తోంది.

కాగా మీటూ పేరుతో దేశ వ్యాప్తంగా పలు రంగాల్లో మహిళలు ఎదుర్కోన్న లైంగింక వేధింపులను వివిధ వేదికలపై చర్చిస్తోన్న సంగతి తెలిసిందే. అందులో భాగంగా సీని పరిశ్రమలో కూడా ఓ పెద్ద ఉద్యమమే మొదలయ్యింది. అప్పట్లో అనేకమంది నటీమణులు మీటూ పేరుతో తమ బాధలను వ్యక్తం చేశారు. తమకు ఎదురైన లైంగిక వేధింపుల విషయాల్ని బహిర్గతం చేశారు. ఈ ఉద్యమంలో బాలీవుడ్, టాలీవుడ్, కోలివుడ్ ఇలా పలు రాష్ట్రాలకు చెందిన సినీ పరిశ్రమకు సంబంధించిన అనేకమంది పెద్దల పేర్లు తెరపైకి వచ్చాయి. పలువురు నటీమణులు పోలీసులకు కూడా ఫిర్యాదు చేశారు. వారిలో ముఖ్యంగా సింగర్ చిన్మయి, వరలక్ష్మీ శరత్ కుమార్ కూడా మీటూపై పలు సంచలన వ్యాఖ్యలు చేసిన విషయం తెలిసిందే. అయితే మరో చెప్పుకోదగ్గ విషయం ఏమంటే మీటూ ఉద్యమానికి బీజం పడిన హాలీవుడ్‌లో అనేక మంది హీరోయిన్స్‌ను లైగింకంగా వేధించిన ప్రముఖ నిర్మాత హర్వే వీన్ స్టీన్‌కు అక్కడి కోర్టు 24 ఏళ్ల జైలు శిక్షవిధించింది. ఇండియాలో కూడా ఈ వేధింపుల కేసులో యూనియన్ మినీస్టర్ ఎంజే అక్బర్ కూడా తన పదవికి రాజీనామా చేసిన సంగతి తెలిసిందే.