సోషల్ మీడియా లో థమన్ని ట్రోల్ చేస్తున్న నెటిజన్స్...కారణం ఇదే.!
cinema | Suryaa Desk | Published : Sat, Mar 14, 2020, 02:08 PM
సంక్రాంతి కానుకగా విడుదలై బాక్సాఫీస్ని షేక్ చేసిన చిత్రం అల వైకుంఠపురములో. అల్లు అర్జున్, పూజా హెగ్డే ప్రధాన పాత్రలలో త్రివిక్రమ్ తెరకెక్కించిన ఈ చిత్రానికి మంచి లాభాలు వచ్చాయి. థమన్ స్వరపరచిన బాణీలు సినిమా సక్సెస్లో సగ భాగం అయ్యాయి. థమన్ మ్యూజిక్ వలన రిలీజ్కి ముందే సినిమాకి ఫుల్ హైప్ వచ్చింది. సామజవరగమనా, రాములో రాములో, బుట్ట బొమ్మ సాంగ్స్ శ్రోతలని ఎంతగానో ఆకట్టుకున్నాయి.కొన్నాళ్ళ నుండి థమన్ని క్యాపీ కాట్ అని, తన సాంగ్స్ ఎక్కువగా వేరే వాటికి కాపీగా ఉంటాయని నెటిజన్స్ ట్రోల్ చేస్తుంటారు. తాజాగా రాములో రాములా సాంగ్ విషయంలో థమన్ నెటిజన్స్కి అడ్డంగా దొరికిపోవడం చర్చనీయాంశంగా మారింది. ఉదయ భాను అప్పట్లో హోస్ట్ చేసిన దరువు కార్యక్రమంలో ఓ మహిళ ఇదే ట్యూన్లో బాయిలోను బల్లి పలికే.. అంటూ పాట పాడింది. ఈ పాటకి తగ్గట్టు థమన్ రాములో రాములా అనే సాంగ్కి ట్యూన్ సెట్ చేశాడని సోషల్ మీడియాలో విపరీతంగా ట్రోల్ చేస్తున్నారు. దీనిపై థమన్ స్పందిస్తాడా లేదా అనేది చూడాలి.
|
|